Календарь событий

Бюгюнлюкде Шимал Кавказ республикала той адетлени жангыдан жашаугъа кийирирге таукелдиле. Тау халкъланы тойлары къалай ётгенди эмда алгъыннгы тёрелеге  бусагъатда нек къайтыргъа излегенлерини юсюнденди бу хазырлагъан материалыбыз да.

Биреу акъыллы, башха уа – акъылсыз, ючюнчю ойнаргъа-кюлюрге сюйген адам, тёртюнчю уа – тунтуйгъан. Инсанны энчилигини тамырлары къайдадыла? Аны юсюнден психолог Муртазланы Фаризат бла ушакъ этгенбиз.

Кайталаны Мариана, Нальчикде Сабий реабилитация араны педиатры болуп бир ненча жылдан бери ишлей, жашчыкъланы бла къызчыкъланы ата-аналарындан ыразылыкъ табады. Биз да аны бла бардыргъан ишини, ала кимлеге, къалай къарагъанларыны юсюнден ушакъ этгенбиз.

Къабарты-Малкъар къырал аграр университетни «Единство» волонтёр арасы ветеринария медицина эм биотехнологияла факультетни мурдорунда «Зооволонтёрла» деген бёлюм ачханды. Жангы къымылдауну мураты — къыйын болумгъа тюшген жаныуарлагъа хар жаны бла да себеплик этиудю, дагъыда студентлени хауле жаныуарланы къыйынлыкъларыны эм аланы тамамлау амалланы юсюнден ангылауларын ёсдюрюудю, деп билдиргендиле вуздан.

Иги ишлери, ариу къылыкълары, юйреннгенлери бла кеслерин сюйдюргенле тау эллерибизде не заманлада да кёп болгъандыла. Аллайла огъурлу юйюрле да къурайдыла, иги сабийле да ёсдюредиле, къоншу-тийрени да сыйлай биледиле, адамладан да хурмет табадыла.

Бюгюнлюкде Нальчикде «Узакъ ёмюр эм тири жашау» миллет проектге кёре къыстау жангы излемлеге келишген   Онкология диспансерни къурулушу барады. Ол ишлеп башласа, саусузла бийик технологиялы болушлукъ алыргъа онг табарыкъдыла, деп билдириледи КъМР-ни Саулукъ сакълау министерствосуну пресс-службасындан.

Къабарты-Малкъарны Урунуу эм социал къоруулау министерствосунда Жамауат совет жыйылыуунда регионну социал жаны бла айныууну амаллары сюзюлгендиле, деп билдириледи Жамауат палатаны сайтында.

Багъалы окъуучуларыбыз!

Сиз республикабызда тамамланнган ишлени юслеринден толу хапар алыргъа сюе эсегиз;

Сиз ёз халкъыгъызны адамы болгъаныгъызны дайым сезгенлей турургъа сюе эсегиз;

Сиз малкъарлыланы тарыхларыны, маданият хазналарыны, тёрелерини эмда адетлерини, аланы бюгюннгю жашауларыны, жетишимлерини эм къайгъыларыны юсюнден кёбюрек билирге итине эсегиз – «ЗАМАН» ГАЗЕТГЕ ЖАЗЫЛЫГЪЫЗ!

Чаналаны Светлана сайлагъан усталыгъында отуз беш жылдан артыкъ заманны ишлейди. Ол Черек районну ара больницасында бек иги невролог врачха саналады. Аллай бир жылны ичинде  ишчи нёгерлерине, саусузлагъа да ариу тиллилиги, бийик усталыгъы бла да кесин сюйдюргенди. Анга «Къабарты-Малкъар Республиканы сыйлы врачы» деген ат аталгъаны да ишине кертичилей къалгъанына шагъатлыкъ этеди.