Календарь событий

- Алгъын тиширыула эшиу бла асыры къазауат этип кюрешгенден, юйюрлерине  эр кишиледен кёп хайыр келтиргендиле. Бусагъатда  эшиу бла кюрешгенле азайгъандыла. Аны къой-мал тутхан да жокъну орунундады. Ол угъай эсенг,  «кюш» дерге тауукъ болмагъан арбазла бардыла.

Кёп болмай КъМР-ни Жазыучуларыны Союзу  «Тауланы бирлиги: Шуёхлукъну ауазы» деп  Россейни халкъларыны бирлигини жылына аталгъан пьесаланы  конкурсун  бардыргъанды. Анга малкъар, орус эм къабарты тилледе жазылгъан ишле къатышхандыла. Малкъар тилде алчы жерге тийишли болгъан иш бла окъуучуларыбызны шагъырей этерге сюебиз. Ахматланы Танзиляны  «Кюн тийсе» деген пьесасыны сюжетине керти да жашауда болгъан иш алыннганды. Газетни бир ненча номеринде ол чыгъарманы басмаларыкъбыз.

Бу кюнледе Каспийск шахарда кикбоксингден СКФО-ну чемпионаты бла биринчилиги ётгенди. Ары Россейни битеу субъектлеринден 1014 гёжеф къатышхандыла, деп билдиредиле КъМР-ни Спорт министерствосундан. Ала эр кишилени бла тиширыуланы (10-40 жыл) араларында ётгендиле.  Анда Къабарты-Малкъардан 115 спортчу кеслерин сынагъандыла.

Республиканы Спорт министерствосу билдиргеннге кёре, бу кюнледе Ереванда грэпплингден Европаны чемпионаты бла биринчилиги ётгенди. Анда Къабарты-Малкъардан тогъуз грэпплер кеслерин сынагъандыла.

Фольклорубузну эм эрттегили жанрларындан бири элберледиле. Ала жаз тил бла айтылып, тюрлю-тюрлю затланы белгилеп, соруу-жууап формада къураладыла, адамланы акъылларын, эслиликлерин жютю этерге себеп боладыла эм эсеп оюннга юйретедиле. Элберле асламысында табийгъатны болумлары, хайыуанла, жаныуарла, адыр-сауут эм кёп башха затлада жер табадыла, асламысында адам улуну урунуу тёрелери бла, урунууда хайырланнган адырлары, сауутлары бла байламлыдыла.

Барды устазны аллай борчу – харкюнлюк ишин тамамлай, сабийлеге сейир затланы кёрюрге юйретирге, аланы чыгъармачылыкъгъа, билимге итиниулюклерин ёчюлтмезге. Кёнделенни Доттуланы Ахматны атын жюрютген 1-чи номерли орта мектебини устазы Будайланы Мадина ол жорукъну тюзлюгюне ишексизди.

Бюгюнлюкде дунияда бола тургъан ишлени юслеринден оюмну жазгъан   бир кесек сабырлыкъны излейди. Нек дегенде Россейни Сауутланнган кючлерини энчи аскер операцияда кюн сайын бандеровчу къауумланы къысадан-къыса  баргъанлары, Зеленскийни бла русофобия бла ауругъан европалы политиклени адыргыгъа къалдырып тебирегенди. Аланы сёлешгенлерине тынгыласанг, билимсизликлери бла къылыкъсызлыкълары битеу тохташдырылгъан мардаладан чыгъадыла. Къырал башчылары уа, официал халда сагъыш этмей, магъанасыз, къолларындан келмезлик затланы айтадыла.

ХУРМЕТЛИ ОКЪУУЧУЛАРЫБЫЗ!

Биз «ЗАМАН» газетни бетлеринде республикабызда тамамланнган ишлени юсюнден билдириуле  жазабыз, халкъыбызны тарыхыны, маданият хазнасыны, къууанчларыны, жарсыуларыны, ниетлерини бла муратларыны юсюнден да материалла басмалайбыз. Малкъар халкъны  айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.