Календарь событий

Ана тиллени сакълауну жарсыуу кёп жылланы туура болуп турады, халны кечге къалмай тюзетирге кереклисини юсюнден дайым айтылады. Жарсыугъа, бусагъатда мектепледе ана тилни юйретиуге кереклисича эс бурулмайды. Биз, жазыу изданияла, китапла, журналла эм газетле да, билген амалларыбыз бла тилни сакълаугъа себеплик этерге кюрешебиз. 

«Бирликдеди кючюбюз» деген ат бла  Акъ-Суу элни «Акъ-Суу» спорт комплексинде армрестлингден  Махийланы Тахирни жашы Ахматны хурметине  ачыкъ турнир  бардырылгъанды. Аны башламчысы Ахматны бир эллиси Нальчикде 33-чю номерли мектепни 11-чи классыны окъуучусу халкъла аралы классда спортну устасы Аппайланы Эмильди. 

КъМР-ни Транспорт эмда жол мюлк министерствосундан билдиргенлерича, «Жашау этерге инфраструктура»  миллет проектни чеклеринде «Нальчик‒Майский жолда  Чёрная Речка элден Май районну чегине дери кесегинде алты километр чакълы бирде  асфальт салып бошай турадыла.  

КъМР-ни  Саулукъ сакълау министерствосундан билдиргенлерича, Прохладный шахарда «Узакъ ёмюр эм тири жашау бардырыу» миллет проектге кёре, район ара больницада сабий поликлиникагъа  тынгылы ремонт этиле турады. Эсге сала айтсакъ, эски мекям  

КъМР-ни Жарыкъландырыу эмда илму министерствосундан билдиргенлерича,  «Жаш тёлю эм сабийле» миллет проектге кёре,  эки жылны ичинде республикада эллиден артыкъ  мектепге тынгылы ремонт этилликди.  Аланы асламысы эл жерледе орналгъанларын да энчи белгилерчады.

Къабарты-Малкъарда «Жашау этерге инфраструктура» миллет проектни «Иги шахар болум къурау» федерал программасына кёре танг кесек жамауат жер тапландырылады. Ол санда Нальчикде онеки жамауат жер жангыртылгъанды. Аладан уллу эм магъаналы объектледен бирине 2-чи Тамань дивизия атлы орамда Уллу Хорламны 80-жыллыгъына аталгъан паркны айтыргъа боллукъду.

Алай болгъанын билсегиз,  къоркъуп,  къазауат этип башламагъыз. Башха адам сизни атыгъыздан алгъан ёнкюч ахчаны закон бла жокъгъа санарча этип, аманлыкъчы ючюн тёлемей къутулургъа онг барды. Алай болур ючюн, терк къармашыргъа эмда хар атламыгъызны жазып турургъа керекди, дегендиле КъМР-де МФЦ-да.

Россейде «Жаш юйюр» къырал программа жашау журт сатып алыргъа, сюерге неда ипотеканы жабаргъа онг береди. Аны болжалы 2030 жылгъа дериди. Субсидияны ма быллай юйюрле алыргъа боллукъдула:

Гитче сабийлери болгъан анала бир ауаздан: «Къуруда ауругъанлай турады!» - дейдиле. Кертиси бла да, сабийле, бютюнда сабий садлагъа жюрюгенле, бирден бирге жукъгъан аурууладан кёп къыйналадыла.  Аладан бири - суу чечекди (ветряная оспа). Аны юсюнден педиатр Махийланы Танзиля бла ушакъ бардыргъанбыз.

Алыкъа къызыу да хорламагъан, сууукъ да кетип къалалмагъан май айда ара шахарда окъугъан къызыма барып, къайтып келе, поездда тюбеген эдим мен анга. Жаланда бир ыйыкъгъа кетген эсем да, бусагъатда элим чагъып, къалай ариу болуп тургъаны кёз аллыма келе, жюрегим къууанчлы, кёлюм кётюрюлюп. алай эди халым. Туралмаучума башха жерде кёп.

Хасаниядан Жангоразланы Алий кёп сейирлик ишлеге къатышханды. Ол Сочиде Олимпиада оюнлада, «Формула-1» эришиуде, футболдан дунияны чемпионатында эм талай башха даражалы турнирледе волонтёр болгъанды. Алий Къабарты-Малкъар къырал университетни Туризм эм сервис факультетин тауусханды, юридический жаны бла да билим алгъанды. Бизни бла ушагъында ол кёрген сейир затларыны, быллай уллу эришиуле къалай къуралгъанларыны юсюнден хапарлагъанды.

Хурметли жамауат!

 «Заман» миллетибизни жангыз газетиди. Ол халкъны къыраллыгъын кёргюзтген бир белгиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили эмда айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ

Б У Й Р У ГЪ У