Календарь событий

Биз саулугъубузда кёп затха эс бурмайбыз. Бек къыйналмасакъ, врачха бармайбыз. Аллай жарсыуладан  бири сохуранды. Сохуран кёбюсюнде хроникалы ауруу болады, къозгъалгъан, тынчайгъан кезиулери да болады. Бир чыкъды, илинди эсе, аны бла къалай «жарашып» жашаргъа болады? Ол дагъыда башха сорууланы биз врач - терапевт Мусукланы Рустамгъа бергенбиз.

Устаз Каппушланы Шагъабан Терезе элни орта школунда математикадан устаз болуп кёп жылланы ишлегенди. Огъурлу акъсакъал илмуну бу тюрлюсюн сайлап, аны бла жашауун байламлы этерге таукел болгъандан сора да, ёз тилинде статьяла жазаргъа да бек сюеди. Аладан биринде ол айтхылы совет физиклени бла математиклени илму ишлери жарыкъ Хорламны жууукълашдырыуда къаллай магъана тутханларын ачыкълагъанды. Андан юзюк бла бюгюн сизни да шагъырей этерге сюебиз.

Эм эрттегили оюнладан бири шахматладыла. Ала минг бла жарым жыл мындан алгъа къуралгъандыла, аны мурдорлары уа, тарыхчыла оюм этгенден, Индияда бизни эраны алтынчы ёмюрюнде жайылгъан «чатуранга» оюнду. Жетинчи ёмюрде аны Персияда ойнап башлайдыла, кесине да «шатрандж» деген атны бередиле. 

Нальчикде жашагъан Чеккеланы Борис «Коммунизмге жол», ызы бла уа «Заман» газетни дайым да алып, аны хар бетинде да болгъан материаллагъа эс буруп, жаратхан статьяларын  бла номерлерин а энчи асырап турады. Ол газетледен биринде аны атасыны юсюнден жазылады. Аны автору уа белгили журналист Теммоланы Мухадинди. Бюгюн биз аны  къайтарып басмалайбыз.

Уллу Хорламны кюнюн белгилеуню чеклеринде «РусГидро» компанияны Къабарты-Малкъарда бёлюмюню келечилери Басхан ГЭС-ни тийресинде эсде тутуу Аллея ачхандыла. Экология эмда патриотлукъ жаны бла магъаналы жумуш болуп, ол  Уллу Ата журт урушну жигитлерине жораланнганды, кеси да хорлам болдургъанлагъа ыразылыкъны белгиси болгъанды. Бу ишге бёлюмню ишчилери, жаш специалистле эмда энергетиканы ветеранлары къатышып, аллеяда жаш терекчикле бла гюлле орнатхандыла.

Уллу Хорламны байрамыны аллында Къабарты-Малкъар къырал аграр университетни «Электроэнергетика эм электротехника» бёлюмюню экинчи курсуну окъуучулары, устазлары бла бирге «Нальчик-110» подстанцияда экскурсияда болгъандыла.

Къабарты-Малкъар озгъан он жылны ичинде терек бахчачылыкъ бла таукел юч алчы регионну  санына киреди. Анга себеплик этген шартла кёпдюле - хауа болум, жерни къурамы, экология эм иш кёллю жерлешлерибиз. Аны бла бирге жыл сайын кесини рекордун жангыртханлай турады. КъМР-ни Эл мюлк министерствосундан билдиргенлерине кёре, жыйырма жыл мындан алгъада терек бахчачылыкъла  жюз гектарла бла саналгъан эселе да,  бусагъатда аланы уллулукълары 28 мингден аслам гектар болады. Аны асламысы неда  23 минг гектары  терк айныгъан тюрлюсюне жетеди. 

Кёп болмай «Россети Северный Кавказ»-«Каббалкэнерго» биригиу иги кесек заманны тёлемей  борч этген «Экологистика» компаниядан дау бла ахчасын алырча мадар излерге тюшгенди. Аны кезиуюнде   Къабарты-Малкъарны  арбитраж сюдю 8 искге къарап оноу чыгъаргъандан  сора,  сагъынылгъан компания 2 миллионнга жууукъ сом бергенди.

Хурметли окъуучуларыбыз!

 «Заман» миллетибизни жангыз газетиди. Ол халкъны къыраллыгъын кёргюзтген  бир белгиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили эмда айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.

Жюз жылда боллукъмуду тириликни, иш кёллюлюкню бла жарыкълыкъны сакъларгъа? Баям, хау. Анга шагъатлыкъны уа Филиппинский тенгизде дунияда эм кёп жашагъан адамланы айрыкамлары этеди. Анда Окинава атлы японлу жерчикде жыл санлары жюзден атлагъан беш жюзге жууукъ адам турадыла. Процентлени келтирип айтханда, хар жюз минг инсаннга отуз беш тамата жетеди. Ол а жер башында эм уллу кёрюмдюдю.

КЪАБАРТЫ-МАЛКЪАР РЕСПУБЛИКАНЫ ПРАВИТЕЛЬСТВОСУНУ

Б Е Г И М И