Календарь событий

Наркотиклени законсуз сатыу-алыугъа къажау тинтиу-излеу жумушла толтургъан кезиуде Россейни ФСБ-сыны КъМР-де Управлениясыны къуллукъчулары республикагъа башха регионладан ууну ташыуну къураргъа кюрешген эки инсанны аманлыкъчы ишлерин тыйгъандыла. 

Жаз башы – урлукъ себиу къыстау баргъан кезиудю. Кюзде жыйыллыкъ тирлик шёндю жерге салыннганны таплыгъына кёре боллукъду.

Багъалы окъуучуларыбыз!

Биз «ЗАМАН» газетни бетлеринде республикабызда тамамланнган ишлени юсюнден билдириуле жазабыз, халкъыбызны тарыхыны, маданият хазнасыны, къууанчларыны, жарсыуларыны, ниетлерини бла муратларыны юсюнден да материалла басмалайбыз. Малкъар халкъны айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.

Белгилисича, таулу халкъны Беш тау жамауаты болгъанды: Басхан, Малкъар, Бызынгы, Холам эм Чегем. Аны бла байламлы бюгюн газетни сайтында Чегемни юсюнден философия илмуланы кандидаты, «Ассия» фондну таматасы Жангоразланы Мухаммат жарашдырып ийген материалны басмалайбыз.

Эринден айырылып, сабий бла къалгъан тиширыуну жууаплыгъы уллуду. Аны аналыкъдан сора да, хар атламына тёгерегинде адамла бек сакъдыла: юйюрюн кеси кечиндиралырмы огъесе болалмазмы деп къарайдыла. Жашлай айырылса, кесини энчи жашауун жангыдан къураргъа сюйсе, кёбюсюнде жууукълары ыразы болмайдыла.

Уллу Ата журт урушну ал жылларында халкъыбызны аллында тюрлю-тюрлю къуллукълада ишлеп келген адамланы биз эсибизге аз келтиребиз. Ол да заманны озгъаны бла байламлыды. Тюнене халкъны аллында жюрюген адамланы атлары тарыхха тюшгендиле. 

Кёп болмай Уллу Хорламны 81-жыллыгъына  атап  Нальчик шахарны ипподромунда  чаришле  болгъандыла, деп билдиргендиле КъМР-ни  Эл мюлк министерствосундан.  

Чернобыльде болгъан палахдан сора,  адамла къоюп кетген элледен, терекле, чырпыла, юлкюле басхан жерледе онбеш жылдан артыкъ заманны андан кетмей жашагъан биолог Прагада бардырылгъан конференцияда бир сейирлик оюмун айтханды. 

КъМР-де Ич ишле министерствода «Ёлюм къайда сатылгъанын билдир» акцияны биринчи бёлюмю толтурулгъанды. Аны чеклеринде билим бериу организациялада юч мингнге жууукъ тюбешиуле бла жыйылыула бардырылгъандыла. Алагъа 65 минг окъуучу бла аланы ата-аналары къатышхандыла. 

Ахшы къылыкълагъа, ол санда уа саулукълу жашау бардырыуну жорукъларына да, гитчеликден юйретиуню къыйматы уллуду. Ол себепден физкультурадан дерслеге къырал даражада уллу магъана бериледи. Огъары Бахсанны мектебини физкультурадан устазы Гежаланы Лейля, Чепкенчиланы Жамалны къызы, бизни бла ушагъында