Календарь событий

Быйыл МСП Корпорацияны энчи (онгдуруу) программасыны чеклеринде жарашдырыучу промышленностьда къармашхан гитче бизнесге учуз лизинг халда 660 миллиондан аслам сом берилгенди. Ахчаны машинала ишлеу, аш-азыкъ эмда химия промышленность бёлюмледен предприятияла алгъандыла. 

Нальчикде жашагъанла хайырланнган электрокюч ючюн  «Россети Северный Кавказ» - «Каббалкэнерго» биригиуге 80,6 миллион сом тёлегендиле.  Былтыр бу заман бла тенглешдиргенде, ол 3,3    процентге неда 18 миллион сомгъа  кёпдю. 

Республикабызны Курортла эм туризм министерствосунда Къабарты-Малкъарны Прокуратурасыны келечиси Улбашланы Фатиманы къатышыуу бла жыйылыу болгъанды. Анда хайыр, къоранчла, мюлк жумушла  бла байламлы соруулагъа къаралгъанды.

Республиканы Спорт министерствосу билдиргеннге кёре, бу кюнледе Нальчик шахарда Къабарты-Малкъар къырал университетни физкультура-спорт комплексинде киокусинкайдан «Хорламны Кубогу» регионла аралы эришиуле бардырылгъандыла.

Шимал-Кавказстатны управлениясындан билдиргенлерича, быйыл биринчи кварталда Къабарты-Малкъарда малланы бла юй къанатлыланы этинден союлмагъан ауурлукъда 12,2 минг тонна чакълы чыгъарылгъанды. Былтыр бу заман бла тенглешдиргенде, ол 12,5 процентге кёпдю. 

Уллайгъан адамла кюн сайын кёп дарманла ичедиле. Алай аланы хар бирини, хайырындан сора, хатасы да барды. Салукъну кючлендирирге башха амалла бармыдыла? Аны юсюнден врач Къойчуланы Шамиль бла ушакъ этгенбиз.

Республиканы Спорт министерствосу билдиргеннге кёре, бу кюнледе Невинномысск шахарда дзюдодан СКФО-ну биринчилиги ётгенди. Ол онбеш жыллары толмагъан спортчу жашланы бла къызланы араларында бардырылгъанды. Ары округну жети регионундан 284 спортчу къатышханды. 

«Дуния къалай тюрленнгенди!» – деп, сейир этеди Жансурат, къар ариу жапхан тёшде сабийлени чанала бла учханларына къарай. Аны да болуучу эди чанасы. Агъач чанасы. Темир чанасы уа жаланда Биясланны болгъанды. «Аны атасы темирчи эди да, сейирмиди», – дейди ол, тёшден бирге тебиреселе, къоншу жашчыкъ барысын да озуучусу эсине тюшюп.

Бир-бир адамла арабыздан кёп жыл мындан алгъа кетгенлерине да къарамай  (былайда мен жууукъ адамларыбызны юсюнден айтмайма), атлары, этген ахшы ишлери, айтхан огъурлу сёзлери унутулмайдыла.