Календарь событий

Кёп болмай Басхан районда энчи аскер операциягъа къатышханлагъа урунургъа, билимлерин ёсдюрюрге эм жамауатны арасында кеслерини жерлерин табаргъа болушурча ишчи жерлени ярмаркасы болгъанды. Анга жыйырма чакълы ветеран эм ишчи жерле  бла жалчытхан  сегиз чакълы биригиу къатышхандыла. 

Халкъыбыз  кёчгюнчюлюкден ата-бабаларыны жерлерине къайтып келгенинде, юй-журт деген хазна зат къалмагъанларын кёрген эди. Алгъын жашау къайнагъан эллерини орамлары энди шум болуп, кёплени юйлерини орунларына уа жарты оюлгъан къабыргъалары къалгъанын кёргендиле. 

Къабарты-Малкъарда энчи аскер операциягъа къатышханланы окъутуугъа, аланы мамыр жашауда кеслерине жер табаргъа болушурукъ проект жашауда бардырылып башлагъанды. Ол «Къабарты-Малкъарны жигитлери» программаны чеклеринде толтурулады.
 

Къабарты-Малкъар къырал университетни Орус тил эм маданият арасыны бла Брестни  А.С. Пушкин атлы къырал университетни араларында онлайн халда тюбешиу бардырылгъанды. Телевизор кёпюр Россейни бла Белоруссияны Халкъларыны бирлигини кюнюне аталгъанды эмда эки университетни студентлерин бла устазларын байлашдыргъанды.

Бу кюнледе «Радуга» республикалы социал-реабилитация  арада Аутизмден ауругъанланы битеудуния кюнюне жораланнган кенгеш болгъанды. Аны ишине КъМР-ни Урунуу эмда социал къоруулау  министерствосуну келечилери, аны бойсунууунда болгъан учрежденияланы психологлары эмда социал иш бла кюрешгенле, республиканы Саулукъ сакълау, Маданият, Жарыкъландырыу эмда илму  министерстволарыны эмда башха ведомстволаны келечилери, волонтёрла-медикле да къатышхандыла.
 

КъМР-ни Миллет музейинде «Человек дождя» жандауурлукъ фестивальны кезиулю кёрмючю ачылгъанды. Ол аутизм аурууну юсюнден хапарны кенг жайыуну халкъла аралы кюнюне  жораланнганды.  2008 жылдан бери 2 апрельде белгиленнген бу кюн тюрлю-тюрлю чакъырылыула бла ётеди. Быйыл а  «Аутизм эм адам улу – хар жашау да багъалыды» деген ниет  бла бардырылады.