Календарь событий

Россейни теле- эм радио бериулени сетине (РТРС) былтыр 13 августда 25 жыл толгъанды. Президентни буйругъу бла ол 2001 жылда къуралып, жер башында эм уллу цифралы телевидение эмда FM-радиовещание биригиу болгъанды.

Нальчикде шахматладан мектеплени араларында бардырылгъан «Акъ ладья» деген эришиуню регион кезиую къуралгъанды, анга регионну башха-башха районларындан 15 къауум къатышханды.

Россейни технологиялы университети Москваны радиотехниканы, электрониканы эм автоматиканы институтунда (РТУ МИРЭА) «ВИК Фест-2026» деген фестиваль бардырылгъанды. Ол инженерлени Битеуроссей конкурсуну программасында баш жерни алады.

Бу кюнледе Алтай Республиканы «Горно-Алтайск шахарында А.В.Анохин атлы Миллет музеиде Къулийланы Къайсынны бек уллу шуёху,  Россей Федерацияны культурасыны сыйлы ишчиси, поэт эмда  жазыучу , студент жылларындан бери да СССР-ни жазыучуларыны союзуну къауумуна кирген Алтайны культурасыны сыйлы къуллукъчусу  Борис Укачинович Укачинни 90 жыллыгъы бла байламлы  кёрмюч ачылгъанды.

 Элбрус районда саулукъ сакълау системаны 2025  жылда ишини эсеплерин сюзгендиле.

Къысха заманда  Кёнделенде искусстволаны жангы школу ачыллыкъды. 25  мартда маданиятны ишчилерин кюню белгиленеди. Бу байрам 2007 жылда В.В.Путинни указы бла тохташдырылгъанды. 

Арт жыллада дарман салыу (прививкала) сабийни саулугъун бузады, деген оюмгъа ийнаннганла кёпден- кёп болуп барадыла. Аллай ата-анала сабийлерине дарман салыргъа эркинлик бермейдиле. Врачла уа палах  чыгъаргъа  боллугъуна тюшюндюрюрге кюрешедиле. Чыкъгъан да этди: отуз жыл болмай тургъан столбняк ( санланы къатып къалыулары) бир жашчыкъда болгъанды алгъаракъда.  Бек къыйын формада. Нек? Аны анасы бу ауруудан сабийге дарман салыргъа унамагъаны  ючюн.

Малкъар халкъ не заманда да иш кёллюлюгю бла айырмалы болгъанды. Не къыйын кезиуде да къара ишден артха турмагъандыла халкъны келечилери, бу материалда да сёз аллай жамауатны юсюнденди. Хушто-Сырт малкъар халкъ кёчгюнчюлюкден къайтхандан сора къуралгъан эллерибизденди. 1957 жылда Акъ-Топуракъ, Кёк-Таш, Гюдюргю, Бопу, Жуууннгу, Жора эм башха гитче эллени келечилери ол заманда Къабарты-Малкъар Республиканы  обкомуну биринчи секретары Тембора Мальбахов бла тюбешип, артха, мындан кёчген эллерине, къайтып жашаргъа умутлары болгъанларын айтадыла. Кёпге созулгъан сюзюлюуледен сора, элни ол тийрелеге жууугъуракъ болгъан жерде къураргъа тохташадыла.

Быйыл бизде къыш хазна сууукъ болмагъанлыкъгъа, артыкъ жылытып да къыйнамагъанды, аны себепли тереклеге хата хазна жетмегенди. Алай эсе уа, энди  хауаны аз-маз жылынып башлагъаны бла, терек бахчалагъа къарар заман жетгенди. Эм биринчи жумуш а – аланы бутакъларын кесип къысхартыуду.

Гитче заманында китапланы бек сюйген, аланы къайда болса да олтуруп окъугъан къылыгъы бюгюнлюкде, уллу киши болгъанындан сора да сакъланады. Алгъын орус тилде жазгъан авторланы чыгъармаларын окъугъан эсе, арт къыркъ жылны ичинде немис, ингилиз тилни авторланы китапларын окъуйду. Предпринимательлик иш бла кюрешеди.

Малкъарда малны союу, санлау эм сыйлау адетлени къалай сакъланнганыны юсюнден материалны басмалагъаныбыздан сора, аны бла байламлы ыразылыкъ сёзле къууандыргъандыла. Адет-тёрбизни сакълагъандан сора да, быллай тинтиуле адамланы сейирлерин къозгъагъанлары магъаналыды, ол халкъыбызны маданиятыны тамблагъы кюню боллугъуна ышандыргъан бир шартды. Хурметли къарындаш-эгечлерибиз,  бу кюнледе жангыдан тилегендиле бу жазманы басмагъа салырыбызны.

Роскадастрны Къабарты-Малкъар Республикада бёлюмюню архивинде бек кёп магъаналы къагъыт жыйылгъанды. Аланы саны жюз мингден артыкъ окъуна болады. Ала ырысхыны иелигин тохташдыргъан документледиле. Бу къагъытла бары да ары МФЦ-дан келгендиле.