Календарь событий

Культурология илмуланы доктору Орусбийланы Анварны къызы Фатима  къарачай-малкъар адабиятны бла маданиятны айныуларына уллу къыйын салгъанды. Халкъыбызны аууздан-ауузгъа айтылып келген чыгъармачылыгъын туура этиуге  да аны къошумчулугъу ёлчемсизди. Ол кесини акъыл сёзю, жютю къаламы, терен билими бла  атын илму дуниягъа  белгили этгенди.

Быйыл Нальчикде  17 апрельде «Россейде иш. Тап онгланы заманы» деген битеуроссей ярмарка ётерикди. Ол 10:00 сагъатда башланырыкъды. Анга промышленностьну, эл мюлкню, къурулуш эмда информация бла связь бёлюмлени предприятиялары, ол санда кадрла къытлыкъ сынагъан биригиуле да къатышырыкъдыла.

Хасания бла Къашхатау таба онбир-онеки къычырым барып, Хеу сууну эки жанында орналыпды Герпегеж. Аны къуралгъаныны юсюнден элде абаданла айтып эшитгеними билдирейим.

«Къабарты-Малкъарны жигитлери» деген  регион программа КъМР-ни  Башчысы  Казбек Коковну башламчылыгъы бла озгъан жылда  ишлеп башлагъанды. 

Кюнсюз къарыу- кюч болмайды. Бошдан айтмайдыла педиатрла: «Сабийлени  кюн сайын тышына чыгъарыгъыз», - деп. Белгили индиялы философ Садх гуру: «Кюн сайын кюнню кёрюгюз, парклада солугъуз неда арбазыгъызгъа окъуна чыгъыгъыз. Кюн таякъланы алыкъа адам кир эталмагъанды, ала минг жыл мындан алгъа къалай таза эселе да, бюгюн да алай тазадыла, кеслери уа бизге кюч -къарыу бередиле», - дейди. Врачла уа не зат айтадыла?  Биз бу соруугъа жууап  излеп терапевт Махийланы Танзиля бла ушакъ этгенбиз.

Къабарты-Малкъарда быйыл февральда багъала нечик тюрленнгенлерин Росстат тохташдыргъанды. Аны тергеулерине кёре, январь бла тенглешдиргенде, товарланы бла жумушланы багъалары 1,1 процентге ёсгендиле (бегирек да аш-азыкъла - 1,92%).

Бу айда къырал законлада эмда жорукълада бла излемледе талай тюрлениу боллукъду. Ала пенсияла, кредитле, налогла, сатыу-алыу эм башха жумушла бла байламлыдыла.

2025 жылдан башлап Россейни Социал фонду регионда биринчи эм экинчи группалы сакъатланы ишге алгъан мюлк иелеге, аллай адамлагъа ишчи жерлени къураргъа этген къоранчларыны бир кесегин къайтарады. 

31 мартда дуния Сюймеген ишингден къутулгъанны кюнюн белгилейди. Ол да бошдан тохташдырылгъан болмаз: иши адам улуну жашаууну эм магъаналы кесеклеринден бириди десек, жангылыч болмаз.

Вольный Ауулдан башлап, Къашхатаугъа дери созулгъан жолгъа тынгылы ремонт этиу башланнганды. Ахча анга регионну жол фондундан берилгенди.

Нальчикде «Спартак» стадионда дзюдодан республиканы чемпионаты бардырылгъанды, анда къарыуларын 78 спортчу сынагъанды.

Шахматланы «Каисса» школунда, Малкъар халкъны жангырыу кюнюне аталып, блиц эришиу къуралгъанды, анга бизни республикадан бла Шимал Осетия-Аланиядан башха-башха жыл санда 52 шахматчы къатышханды.

Черкесск шахарда къатыш единоборстволадан СКФО-ну биринчилиги ётдюрюлгенди, анда округну битеу регионларындан эм кючлю спортчула сермешгендиле.

Иги кесек жыл мындан алгъа Нальчикде Аэропорт къатында орналгъан бир фатарда отузунчу жыллада Совет Союзда белгили геолог-нефтяник болуп ишлеген Моллаланы Исмайылны жашы Жамал-Эдин бла тюбешеме, атасыны  юсюнден хапар сорургъа.