Календарь событий

Къабарты-Малкъарда  сабийлени эмда жаш тёлюню   социал-маданият жаны бла айнытыуну «Культура.Ру» регион жамауат организациясы КъМР-ни Миллетлени ишлери эмда  жамауат проектле жаны бла министерствосуну  себеплиги бла кёп тюрлю ишле бардырады.

Къабарты-Малкъарда «Жашау этерча  инфраструктура» миллет проектге кирген «Коммунал инфраструктураны жангыртыу» федерал программагъа  кёре  2025-2027 жыллада ичер суу бла жалчытырыкъ  22 объект ишленирикди неда  жангыртыллыкъды.  

1941 жылны кюзюнде  фашистле къыралыбызны ара шахарына къаршы жууукълашхан эдиле. «Энтта да бир къаты урум этсегиз, Москвадан къаллыгъы жокъду», - деп, Гитлер  аскерлерин ашыкъдыргъанды. Аны къой, Къызыл майданда парадларын бардырыуну юсюнден буйрукъну да жазып хазыр этген эди. Кюнюн а Москваны алсала тохташдырлыкъ эди.

Бурун заманлада  Малкъарда жашагъан уланла жигитликлери бла атларын айтдырып болгъандыла. Бюгюн газетни сайтында белгили уучуну Уллубашланы Башулукну жашы Уучуну юсюнден алгъын кёп жылланы редакция бла байламлыкъ жюрютюп тургъан Туудуланы Борисни хапарын басмалайбыз.

Бюгюн да, хар замандача, акъсакъал танг аласы бла тенг турду, арбазгъа чыкъды, нюрюн тёге тургъан кюннге къарады. Эки къолун анга узатды, жюреги жылынды. Сора узакъ аламгъа кёз къарамын бурду да, дунияны жаратхан, кёп жылладан бери кюнню жарыгъын анга кёргюзтюп тургъан сыйлы Аллахха  баш уруп, шукур, ыспас этди, махтау берди.

Элбрус районну муниципал къуралыуларыны бирини арасы Элбрус элди. Ол, талай посёлканы бирикдире, таулу жерни курорт арасына эшиклени ачады, дерге боллукъду. Минги таугъа дери созулгъан турист объектле былайдан башланадыла.

Школну директору Назир танг эрттен келе эди школгъа. Кечге дери ишлей эди. Къыйын эди Москвада окъуп келген жашха эл школда жангы жорукъла кийирирге. Ингилиз тилден иги устаз табып, аны тынгылы окъутдуруп башлады. Фатима малкъар тилни дерслерин да алды.