Календарь событий

Москвада  «Миллет саулукъ сакълау -2025»  конгресс  бардырылгъанды. Анда РФ-ни саулукъ сакълау министрини орунбасары  Виктор Фисенко «Узакъ ёмюр эм тири жашау» миллет проектге кирген «Саулукъ сакълауну биринчи болушлукъ берген бёлюмюн  игилендириу» регион программагъа кёре, Къабарты-Малкъар биринчи медицина болушлукъ берген   медицина объектлени жангыртыу бла  бирсиледен айырмалы болгъанын белгилегенди, деп билдириледи КъМР-ни Саулукъ сакълау министерствосуну пресс-службасындан.

Октябрьни аллында Нальчикде муслийман дунияда белгили алимле жыйылгъан эдиле. Республикагъа быллай билимли, даражалы къонакъла келгенлерине сукъланырча окъуна эди.

Цифралы онгла бла хайырланнган, тёлеуле этген бек тынчды. Алай хыйлачыла сизни ахчагъызны къолгъа этерге умутларын къоймагъанларын унутмагъыз, деп эсгертедиле РФ-ни СК-сыны КъМР-де следствие управлениясындан.

Озгъан орта кюн Нальчикде Байсолтанланы Алимни атын жюрютген  орамда  белгили поэт, прозаик, КъМР-ни культурасыны сыйлы къуллукъчусу Лиуан Губжоковну хурметине, ол жашагъан 25-чи  номерли  юйню къабыргъасында  мермер къанга орнатылгъанды.

Митингге къатышыргъа КъМР-ни парламентини, республиканы министерстволарыны, ведомстволарыны, жамауат организацияланы, КъМР-ни  Жазыучуларыны союзуну келечилери, культураны эмда искусствону белгили къуллукъчулары, поэтле, жазыучула, Лиуан Губжоковну шуёхлары, жууукълары да келгендиле.

Иги кесек жыл мындан алгъа Нальчикде аэропорт къатында орналгъан бир фатарда отузунчу жыллада Совет Союзда белгили геолог-нефтяник болуп ишлеген Моллаланы Исмайылны жашы Жамал-Эддин бла тюбешеме, атасыны  юсюнден хапар сорургъа. Ол заманда Жамал мында жашай эди  юй бийчеси бла   сагъынылгъан юйню онбиринчи этажында. «Кюн сайын балконнга чыгъып, эрттенликде таулагъа къарап, табийгъатны ариулугъундан зауукълукъ алып турама, сиз мында жаннет ичинде жашайсыз»,- деп  башлагъан эди ушагъын.

Къасмакъ – табийгъатда ёсген бек файдалы жемишледен бириди. Аны къызгъылдымгъа тартхан сары гогулары, кюзде, къышда да, къасмакъ къотурну бутакъларындан акъмай, кюнча жылтырагъанлай турадыла. Алада адамны саулугъуна жарагъан витаминле хазна къалмай барысы да бардыла.

Мусукаланы Зарифни бла Ёзденланы Аминатны юйюр насыплары узакъгъа созулмай къыркъылгъан эди. Аланы къызчыкълары Лаурагъа беш жыл болгъанда, Аминат сабийден ауурлугъу бла тул къалады, Зариф жашлай дуниясын алышхан эди, жаннетли болсун. Аминатны юсюне эки сабийни ауурлугъу тюшгенди. Болсада ол ана, борчун айыпсыз толтура, балаларын, Лаураны бла Эрланны, бир жукъ керекли этмей ёсдюргенди.

Бу кюнледе республикабызда Россейни МЧС-ини жер-жерли бёлюмлерини административ иш эмда адамланы тарыгъыулары бла ишлеген келечилерини юйрениулери бардырылгъандыла.

Нальчикни аэропортунда дунияны грепплингден чемпионатында хорлагъан гёжефлеге – Мухамед Урусовха бла Таппасханланы Исламгъа – къууанчлы халда тюбегендиле. Аэропортну аллында майданда спортчуланы жууукъ-ахлулары, тренерле, къараучула да жыйылгъандыла. Аланы спорт министрни орунбасары Заур Хежев алгъышлагъанды. 

Былтыр  «КъМР-ни сыйлы врачы» деген даражалы атха тийишли болгъанланы санында Нальчикде республикалы клиника больницаны доктору Геккиланы Сапарны къызы Жаннет да болгъанына аны таныгъанла, усталыгъын билгенле да къууаннгандыла. Ол Россейни анестезиологларыны-реаниматологларыны федерациясыны правленини эмда ол федерацияны нейро-реаниматологларыны келечисиди. Билимин, заманын да аямай, саусузлагъа болушлукъ этип келгенли къыркъ жылгъа жууукълашханды.

Сиз республикабызда тамамланнган ишлени юслеринден толу хапар алыргъа сюе эсегиз;