Календарь событий

Гюлюйланы Хусейинни жашы Русланны Элбрус районну жаш тёлюсюню арасында кёпле таныйдыла. Ол алагъа таматалыкъ эте билген ышаны бла, къылыгъыны жууашлыгъы бла, ниетини тазалыгъы бла да кесин сюйдюралгъанды. Руслан Къабарты-Малкъарны Спорт министерствосуну тау лыжала бла альпинизмден спорт школуну таматасыды. Кеси бек гитчелигинден да спортну бу тюрлюсю бла къыстау кюрешгенди. Жети жылдан бери уа спорт школгъа таматалыкъ этеди. Ол бизни бюгюннгю ушакъ нёгерибизди.

Бюгюнлюкде Къабарты-Малкъарны биригиулеринде  мирзеулюк  нартюхню оруп къыстау барады. Белгилисича,  республикада ёсген мирзеулюк битимлени араларында ол энчи жерни алады эм тирликни да асламысы анга жетеди,  деп билдириледи КъМР-ни Эл мюлк министерствосуну пресс-службасындан.

Айтхылы 59-чу гвардиячы жаяу аскер дивизияда къашхатаучу Огъурлуланы Шыйыхны жашы Мустафир да роталаны биринчи командири болгъанды. Тамата лейтенант Огъурлу улу 1943 жылны 22-чи майында, Ворошиловград областьны Привольное элин гитлерчиледен азатлай, бергенди жанын.

Кёп заманланы ичинде нартла тюрлю-тюрлю жаула бла кюреш бардыргъандыла  эм аланы бек кючлю жаулары эмегенле болгъандыла. Ала адамланы тутуп ашагъанлары себепли  арада урушну тохтатыргъа онг болмагъанды. Адам этни биширип, аны шорпасын ичселе, хар ауруугъа да андан иги дарман жокъду, деп санагъандыла. Ансыз аланы бир байрамлары, къууанчлары ётмегенди. Нартла жортууулгъа атланнган заманны марап, эллерине чабып тонагъандыла, сабийлени, тиширыуланы жыйып кетгендиле.

Россейде онкология аурууланы, ала тереннге кетгинчи, алгъаракъдан ачыкъларгъа жалгъан интеллектни болушлугъу бла амалны жарашдыргъандыла.

«Каисса» шахмат арада классика, терк эм блиц шахматладан сабийлени эм жаш адамланы араларында республиканы биринчилиги къуралгъанды. Анда хорлагъанлагъа СКФО-ну биринчилигине къатышыргъа эркинлик берилгенди.

Къабарты-Малкъар Республиканы Саулукъ сакълау министерствосуну  республикалы  сабий клиника арасында бу кюнледе къууанчлы иш болгъанды.

Кёп жылланы мындан алда Кёнделенден Текуланы Бостан деген киши Кисловодскеден узакъ болмай орналгъан  Хасауут элге кёчеди.  Аны жаратып,  анда юйдегили да болуп жашап къалады. Аны эки жашы болады. Кичисини аты Сейитди.

Хурметли жамауат!

Сиз республикабызда тамамланнган ишлени юслеринден толу хапар алыргъа сюе эсегиз;

Сиз ёз халкъыгъызны адамы болгъаныгъызны дайым сезгенлей турургъа сюе эсегиз;

Сиз малкъарлыланы тарыхларыны, маданият хазналарыны, тёрелерини эмда адетлерини, аланы бюгюннгю жашауларыны, жетишимлерини эм къайгъыларыны юсюнден кёбюрек билирге итине эсегиз – «ЗАМАН» ГАЗЕТГЕ ЖАЗЫЛЫГЪЫЗ!

Телефон бла сёлешип, адамланы алдау, аланы ахчаларын урлау, жарсыугъа, ахыр кезиуде артыкъда кёп жайылгъан аманлыкъладан бириди. Быллай хыйлачыланы къалай таныргъа боллукъду, ахчангы сакъларгъа къаллай мадарла болушурукъдула? Къысха статьяда бу магъаналы соруулагъа жууапла берирге сюебиз. 

Нальчикге чабыуул этилгенли 20 жыл ётгенине жораланып, «Гладиатор» спорт арада 2012-2013 жыллада туугъан жашчыкъланы араларында дэюдодан  эришиу къуралгъанды. Ол Россейни бла Къабарты-Малкъарны гимнлеринден, шахарны къоруулай жан берген жигитлени хурметлерине бир минутну шош туруудан башланнганды.