Календарь событий

Жарыкъ кёллю, ачыкъ ниетли адам бла тюбешсенг, бар къайгъыларынг чачылып кетгенча боласа. Кёнделенде жашагъан Ногъайлыланы Мариям аллай аламат тиширыуду. Кесине да жырчы почтальон дерге болады.

Уллу Ата журт урушну заманында белгисиз тас болгъанланы саны мингле бла саналадыла. Бизни халкъыбыздан да бардыла аллайла – атлары, айтыла-айтыла, сыйдам болгъан, белгисизликлери жюреклеге жара болуп тюшген жигитле.

Биз кюн сайын эт ашасакъ, саныбызны – чархыбызны керекли  затла бла жалчытхан сунабыз. Жаулу, ауур  ашла, башха къошакъсыз, битеу витаминлени, микроэлементлени мардасын толтурамыдыла?  Огъесе  витаминледен бай ашарыкъла башхаламыдыла? Бу соруулагъа жууапла излей,  повар, диетолог Кючмезланы Мадина  бла ушакъ этгенбиз.

Жаш тёлюбюз окъууда, ишде да бет жарыкълы бола, ол ышанлары бла бизни кёллендиргенлей келеди. Бюгюнлюкде аланы танг кесеги къыралыбызны окъуу юйлерин бошап, дипломларын къолларына да алгъандыла. 

Къыш жууукълаша келгени себепли жётел этген, чючкюрген, бурун суулары келген адамла кёпден - кёп бола барадыла. Кесеклени биринчи белгилери эсленнгенлей, кесибизге къалай болушургъа боллугъубузну юсюнден бурун заманладан бери келген халкъ амалланы юсюнден ара газетледе басмаланнган белгили специалистлени оюмларын басмалайбыз.

Тырныауузны Сабий библиотекасы не заманда да сабий ауазладан толуду.   Жарыкъ, кенг, ариу мекямгъа сабийле сюйюп келгенлерине сейир этерча тюйюлдю: жангы  китапла, компьютерле, видеогъа къарарча энчи жер. Библиотекагъа таматалыкъны кёп жылланы Аппайланы Анжела Сагидовна этеди.  «Школдан сора сабийле  бери къайтмай къалмайдыла, чапханлай келедиле»,-дейди ол.

Кёп болмай Монополиялагъа къажау федерал службаны Къабарты-Малкъарда  управлениясы (ФАС) Нальчикде  маршрут таксиледе    багъаланы  тюшюртгенди.  Республикада бир къауум пассажир транспорт  биригиулени келечилери,  жашыртын  бирге  келишип