Календарь событий

Быйыл жылны башындан бери Къабарты-Малкъарда эл мюлкле 42 миллиард сомдан асламгъа продукция чыгъаргъандыла, деп билдириледи КъМР-ни Эл мюлк министерствосуну пресс-службасындан.

Россейни ФСБ-сыны КъМР-де Управлениясыны къуллукъчулары, ич ишле органланы полициячылары бла бирге экономикада аманлыкълагъа къажау излеу-тинтиу жумушла бардыргъан кезиуде коммерциялы организацияны башчысыны аманлыкъчы ишин тыйгъандыла. 

Россейни, Къабарты-Малкъарны да маданиятына  бу кюнледе уллу бушуу сынаргъа тюшгенди. Къабарты-Малкъар Республиканы халкъ артисти Ефрем Амирамов жашаудан кетгенди. КъМР-ни Башчысы Казбек Коков белгили жырчыны жууукъларына бла ахлуларына къайгъы сёз бергенди.

10 октябрьде Психика саулукъну халкъла аралы кюню белгиленеди. Ол жамауатны психика жаны  бла ауруулары  болгъанлагъа эс бурур, алагъа болушлукъну кенгертир, жамауатны битеулю саулугъун игилендирир мурат бла бардырылады. 

 Ариужан бла Махти тау эллерибизни биринде туууп ёсгендиле. Къоншу орамлада жашагъанлары себепли, сабийликден да бир бирлерин иги биле эдиле. Жетген къыз бла жаш болгъанларында уа  школну ахыр классларында аланы аралырында сюймеклик тууады.

Кёп болмай «Россети Северный Кавказ» – «Каббалкэнерго» биригиуню келечилери «Солдатская» 35 кВ ток берген подстанциягъа тынгылы ремонт этгендиле. Саулай алып айтханда, быйыл электрокюч объектлени техника болумларын игилендириуге 17 миллиондан аслам сом къоратыллыкъды.

Милицияны капитаны Тамирлан Алиевич Казиханов РФ-ни МВД-сыны Юг федерал округда Баш управлениясыны  терроризмге къажау Шимал-Кавказ арасында пресс-службагъа башчылыкъ этип тургъанды. 2005 жылны 13-чю октябринде Нальчикде боевикле чабыууллукъ этген кезиуде алагъа къажау сюелгенлени ал сатырларында болуп, къуллукъ борчларын толтура ёлгенди.

Нальчикде Музыкалы театрда  Устазны кюнюне жораланып къууанчлы жыйылыу болгъанды. Анга республиканы районларындан, шахарларындан бла эллеринден устазла бла юйретиучюле чакъырылгъан эдиле.

Кёп болмай «Россети Северный Кавказ» - «Каббалкэнерго» компанияны  Нальчикде бёлюмюню келечилери ток ючюн аслам заманны тёлемей тургъанланы жокълагъандыла. Быйыл сентябрьге чыгъарылгъан эсеплеге кёре, ток ыздан кесерча 13054 заявка берилгенди. Аланы борчларыны ёлчеми 34,4 миллион сомгъа жетгенди. Аладан  11 594 абонент токсуз къалмаз ючюн борчларын жабаргъа ашыкъгъандыла. Болсада  1 171 юйню энергокючден кесерге тюшгенди. Саулай алып айтханда, аланы 4 миллион сомдан  аслам берликлери барды.

Хабазны мектебинде башланнган классланы билимни дуниясы бла шагъырейлендире, аланы аслам затха кёз къарамларыны тохташыуларына себеплик эте уруннган устазладан бири Къайгъырмазланы Мариямды. Ол кеси да школну мында бошагъанды. Ызы бла педагогика колледжде билим алып, окъутханларына, ёз аналарындан кем болмай къайгъыра, жаланда сабийлени окъутуу жанына угъай, аланы саулукълары ючюн да жууаплылыкъны сезгенлей ишлейди. Ол эм алгъа гитчечиклени садикде да юйретип тургъанды. Биз а аны бла окъутууну-юйретиуню, башха затланы юслеринден да ушакъ этгенбиз.

ХУРМЕТЛИ ЖАМАУАТ!

   «ЗАМАН» газетге 2026 жылны  биринчи  жарымына  жазылыу башланнганды. Ана тилибизде чыкъгъан жангыз газетибиз сизни керти хапарчыгъыз, огъурлу сёз нёгеригиз болгъанлай къалырына ышанабыз. Биз газетни бетлеринде республикабызда тамамланнган ишлени юслеринден билдиргенлей турабыз, халкъыбызны тарыхыны, маданият хазнасыны, къууанчларыны бла жарсыуларыны, ниетлерини бла муратларыны юслеринден да дайым жазабыз. Малкъар халкъны  айтхылыкъ эм белгили адамлары унутулуп къалмазларыны къайгъысын кёребиз, алагъа махтау беребиз. Жаш тёлюбюз окъуулу, адепли, жетишимли болуруна себеплик этерге, аны огъурлу жумушлагъа кёллендирирге итинебиз. Ахшы адет-тёрелерибизни, ана тилибизни сакълаугъа энчи эс бёлебиз.

КъМР-ни Парламентини президиумуну жыйылыуун спикер Татьяна Егорова бардыргъанды. Анда эллиге жууукъ соруугъа къаралгъанды.