Календарь событий

Кюз бла бирге школла да, сабий садла да ишлеп башладыла. Алай бусагъатлада  ауругъанла  кёпдюле.  Школлада ауруп, окъуугъа келмегенле да  бардыла. Сабий садлада да алай. Иммунитетге къалай болушургъа боллукъду,  температура кётюрюлген эсе, не этерге керекди? Быланы барысыны юсюнден да  биз врач Къойчуланы Шамиль бла ушакъ бардыргъанбыз.

 Халкъынгы тарыхын билиу, аны ёсюп келген тёлюлеге тюз юйретиу артыкъда магъаналы ишди. Жазыучу, журналист Анфиса Фирова (Канукова) быллай жарыкъландырыу иш бла кюрешеди. Ол жазгъан «Хьэтхэр»  роман да адыг халкъны ата-бабаларыны тарыхларын тинтиу бла байламлыды. Биз Адыгланы кюнюню аллында аны бла  чыгъармасыны, жазыу ишге фахмусуну, шёндюгю кезиуде адабиятны болумуну юслеринден ушакъ бардыргъанбыз.

Къабарты-Малкъардан кёп къалмай жети минг адам «Это у нас семейное» деген битеуроссей конкурсну экинчи кезиуюне къатышырыкъдыла. Бу кюнледе анга регистрация бошалгъанды, деп айтылады КъМР-ни Правительствосуну интернет-порталында.

Элбрусда агъачла тогъуз минг гектардан аслам жерде ёседиле. Минги тауну къарлы этеклерича, аласыз да Шимал Кавказны эм ариу жерин эсинге келтирген къыйынды. Алгъа жыллада, бюгюн да аланы кёрюрге сюйген адамла алай кёп болгъанлары сейир тюйюлдю – бийик нарат эм къайын терекле, гюллю, тюрлю-тюрлю битимли тикле инсанны эсин бийлей, кёлюн нюрден, жарыкъдан толтурадыла.

Къулбайланы Къыралбий сабийлени окъутургъа сюйгенди. Аны ючюн деп  педагогика рабфакга киреди. Аны да жетишимли бошайды. Алай орта билимни азгьа санап, Къабарты-Малкъар педагогика институтха кирип, аны биринчи курсунда окъуй тургъанлай, аскерге чакъырылады. Биргесине уа - башха студент тенглери да. Аланы арасында Къыралбийни къабартылы шуёху Жираслан Бейтуганов да болады.

Бир кишини  жангыз  къызы болгъанды. Ол къолун сууукъ суугъа тийдирмей,  кюзгюден кесин айырмай, жукълагъандан,  ашагъандан сора  бир иши болмай тургъанды.  «Бу  жетген къыз болгъанды, бир затха къолу жарашмайды, бир зат эте да билмейди,  баргъан юйюнде  къалай жашарыкъды, муну экинчи кюн окъуна къайынлары къыстап жиберликдиле.

Черек районну Зарагиж элинде битеулю билим берген мектеп тынгылы тапландырылып, ол энди бу кюнледе сабийлеге  эшиклерин ачханды.

Газетни сайтыны окъуучулары малкъар халкъны маданият хазнасыны юсюнден материалланы сюйюп окъуйдула. Бюгюн   Улбашланы  Саниятны къарачай-малкъар халкъны бурун заманлада жюрюген адетлерини юсюнден билдириулени басмалайбыз.