Календарь событий

«Заман» газетни баш редакторуну орунбасары Аппайланы Музафар бир къауум битимни тауча атларын эм аланы саулукъгъа хайырлылыкъларын ана тилибизге кёчюрген ишин андан ары басмалайбыз.

Россейни Социал фондуну Къабарты-Малкъарда бёлюмю быйыл кёп къалмай 34 минг больничный къагъытны юсю бла саусузлагъа 438 миллион сом тёлегенди, деп билдиргендиле бу ведомстводан.

Бу хапарны окъусанг, таза да жашауда къабыл кёрюлген бир-бир алгъышланы, къаргъышланы эсинге тюшюрюп, сейирге къаласа. Хапарны автору хурметли къарындашыбыз Темуккуланы Адил аны бизге жазып жибергенинде да, окъуп сагъышланнган эдик. Бюгюн да ол хапарны жангыдан басмагъа салабыз. 

«Газпром газораспределение Нальчик» кёк отлукъ баргъан объектлени 2025-2026 жыллада кюз эм къыш кезиулеге хазыр этгенди, деп билдириледи компанияны пресс-службасындан.

Хар адамны къадарында да боладыла къыйын кезиулери. Медицина илмуланы доктору, профессор Теммоланы Лейла айтханнга кёре, адам, орта эсеп бла айтханда, кесини ёмюрюнде жетмиш  литр жилямугъун тёгеди. 

Кёп болмай Россейде жашагъан халкъланы тиллерини кюню биринчи кере белгиленнгенди. Жангы эсгериу кюн РФ-ни Президенти Владимир Путинни башламчылыгъы бла айтхылыкъ дагъыстанлы поэт Расул Гамзатовну хурметине тохташдырылгъанды. Аны бла байламлы филология илмуланы доктору, профессор Улакъланы Махтини материалы бла окъуучуланы шагъырей этебиз.  

Сабийлерин садикледе кечиндирген эмда аны ючюн ахча тёлеген ата-аналагъа закон бла льготала берилирге боллукъдула. Аланы ёлчемини,  алагъа ким  тийишли болгъанларыны юсюнден КъМР-де МФЦ-да айтхандыла.

Къабарты-Малкъарны Архив службасында республиканы башха-башха кезиулеринде болгъан ишлени, шартланы, аны тарых бетлерини юсюнден кёп хапарла эмда къагъытла сакъланадыла. Бу материал а Нальчикде 1960 жылда эшиклерин кенг ачхан Калмыков атлы санаторийни юсюнденди.

Нальчикде бу кюнледе Къабарты-Малкъарда биринчи госпиталь мектеп ачылгъанды. Бу магъаналы жумуш кеси да «ОкъутабызБилебиз» деген Битеуроссей проектни жашауда бардырыу  бла байламлыды. Алай бла быллай школ КъМР-ни Саулукъ сакълау министерствосуну республикалы сабий клиникалы кёп профильли арасыны мурдорунда ачылгъанды.