Календарь событий

Бир ауукъ замандан бери Тюркню сериаллары кёп жерлешлерибизни эслерин кеслерине бургъандыла. Сюжетлери да сейирдиле, актёрла кеслерин жюрютгенлерине къарасанг а, съёмкала баргъан майданда угъай, жашаулары былайды дерчады. Окъуучуларыбызгъа бир къауум тюрк артистлени юслеринден хапарларгъа излегенбиз. Аны къысха биографиялы халда басмалайбыз. Бек биринчи Небахат Чехреден башлайбыз.

Бюгюннгю жашау къыйынды, татыусузду да дейбиз. Кёбюсюнде ачыуланыргъа да тюшеди. Алай адам улу къадаргъа ийнанмагъанча кёрюнеди. Кюн сайын Аллахутала бизге сагъыш этдирлик белгиле кёргюзте турады. Ариу жашапжюрегин, ниетин да таза туталгъан адамла бла, юлгю болсун дей, шагъырей этеди. Алай бизни уа, хоу бир да, кесибизни жангылычларыбыздан окъуна дерс чыгъарыр тёзюмюбюз, сабырлыгъыбыз къалмагъанды. Жашауумда аллай бир аламат юлгю дерсин дагъыда къайтып мен да алдым.

Барыбыз да билгенликден, бюгюнлюкде  Окъуучуланы битеуроссей дерс олимпиадаларыны къырал даражалы уруму къыстау бардырылгъан кезиудю.  Белгилисича, ол  башха-башха  регионлада  бир тюрлю энчи предметледен  бардырылады. Аллай жумуш а Нальчикде эм алгъа 2021 жылда башланнганды эмда саулай да къыралны жер-жерлеринден айырмалы сабийле «Сириус» космос программаны ахыр урумуна мында жыйылгъан  эдиле. Бу кюнледе да бизни республика  сагъынылгъан олимпиаданы башха-башха  регионлада  географиядан биринчи жерле алгъан школчуларына кезиулю  кере къонакъбай болгъанды. Алай бла Къабарты-Малкъаргъа  тогъузунчу-онбиринчи класслагъа жюрюген 300 чакълы окъуучу келгенди.

Малкъар ауузладан биринде, ташдан-ташха секире, чокъуракъ тамычыны тауусулмазлыкъ жырын айта, сабанланы, биченликлени суудан къандыра, чукуйлары бла акъ булутладан бийик тик къаяланы жырып жортады узакъ ёзенлеге тау череги. Бирде таркъая, азая, бирде уа суудан тола, жагъаларындан кенг чыгъа, бир кюн, бир жыл угъай, ёмюрлени терен саркъыуунда.

Кёп болмай Нальчикде "Кюн шахар" сабий чыгъармачылыкъ академияда школчуланы арасында географиядан битеуроссей олимпиаданы финалы болгъанды. Бу жол анга къыралны 77 регионундан 9-11 класслада окъугъан 269 школчу къатышханды. Ол санда Нальчикде "Кюн шахар" сабий эм жаш тёлю чыгъармачылыкъ арасыны келечилери да. Алагъа блушургъа 92 педагог бла юйретиучю келгендиле. Олимпиада юч кесекден къуралгъанды: теориядан, тестледен эм практикадан.

Москвада 9 майда Хорламны Парадын бардырыргъа деп Сталин 1945 жылны 22 июнунда  оноу этген эди. Аны ол заманда къалай бардырылгъаныны юсюнден кёпле эсгериулеринде жазгъандыла. Биз а жазыучу Всеволод Иванов «Венок Славы» китабында жазгъанын басмалайбыз.

Сый таматагъа – жауурунну онг жаны, къойну баш жартысыны онг жаны бла къуйрукъ учусу эм къошакълары буюрулгъандыла; таматаны онг жанындагъы экинчиге – ногъананы онг жаны (тёш – юч иеги бирден) эм къошакълары; таматаны сол жанындагъына – ючюнчюге – жауурунну сол жаны, эм къошакълары; тёртюнчюге – жан сюекни онг жаны эм къошакълары; бешинчиге – жан сюекни сол жаны эм къошакълары; алтынчыгъа – жан сюек (тешикли) къалакъны онг жаны, эм къошакълары; жетинчиге – жан сюекни (тешикли) сол жаны эм къошакълары; сегизинчиге – къысха жиликни онг жаны эм къошакълары; тогъузунчугъа – къысха жиликни сол жаны эм къошакълары; онунчугъа – орта жиликни онг жаны эм къошакълары; онбиринчиге – базукну сол жаны эм къошакълары; онекинчиге – ашыкъ жиликни сол жаны  эм къошакълары. Хант юлюшге къошакъгъа сырт сюекден омураула, къабыргъадан иегиле, жёрмеле салыннгандыла.