Календарь событий

Россейни МЧС-ни КъМР-да Баш управлениясы команда-штаб юйрениуле бардыргъанды. Ол Битеуроссей юйрениулени чеклеринде ётеди. Аны кезиуюнде ведомствону къыйын болумлагъа хазырлыгъын тинтедиле, тийишли багъа бичедиле.

Хочуланы Мурат бла Ирина Быллымда жашайдыла. Хар таулу юйюрча, бахчада ишлейдиле, кеслерини мюлклерин жаратадыла. Эллилерини бла къоншуларыны араларында бек ариу бетлидиле. Мурат Тырныауузну почтасында улоу жюрютеди, Ирина юй бийчеди. Бу огъурлу юйюрде тёрт аламат жаш ёсюп келедиле. Бирлери, окъууну бошап, жашауда жерлерин тапхандыла, бирлери уа къыстау билим алыуну жолундадыла. Юйюрде аталарыны бла аналарыны арасында жумушакълыкъны, жууашлыкъны, сюймекликни бла бир бирге терен хурметни кёрюп ёсген сабийле бу юлгюню кеси жашауларына элтириклери хакъды.

Уллу Хорламны белгилеу бла байламлы «Хорламгъа сексен жыл» деген майдалланы Кёнделенде тылны ветеранларына бергендиле.

Жыл сайын дунияда инсультдан жыйырмадан артыкъ миллион адам ауруйду. Аладан беш миллиону ёледи, миллионла бла саналгъанлары уа ауур саусузла болуп къаладыла, къашыкъны ауузларына элталмагъанла да бек кёпдюле. Бизни къыралда инсультдан ауругъанла жыл сайын тёрт жюз минг адам боладыла. Инсультдан сора сакъатла болгъанла биринчи жерни аладыла… Биз бу къыйын жарсыуну юсюнден врач-кардиолог Асанланы Джамиля бла ушакъ бардыргъанбыз.

Къабарты-Малкъар Республикада  «Право бузукълукъланы болдурмау эмда жамауат низамлыкъны бла къоркъуусузлукъну жалчытыу»   къырал программа жашауда бардырылады. Ол 2021-2025 жыллагъа деп жарашдырылгъанды эмда 2020 жылны 31 августунда  КъМР-ни Правительствосуну 191-ПП номерли бегими бла къабыл кёрюлгенди.

Сыйлы Къуранда «Аллахны файгъамбары сизге аламат юлгюдю…» (Сура «Сонмы»,  21-чи аят), деп жазылады. Бу статьяда аны саулукъгъа жарагъан тёрелени юслеринден айтыргъа сюебиз. Бюгюнлюкде  тинтиуле бардырылып, аланы адамны санларына хайырлылыкъларын илму да тохташдыргъанды. 

Жаз башы  келгени бла алма тереклеге тынгылы къарар заман башланады. Бу ишни болжалына салмай, хауа иги жылыннгынчы этерге керекди: тозурагъан жерлерин абери жагъып жамаргъа, тюп жанларын бояргъа, аурууладан эмда заранлы къурт-къумурсхаладан къоруулагъан дарманла себерге, артыкъ ёсген эмда эски бутакъларын кесерге, жангы бутакъла жалгъаргъа.

КЪАБАРТЫ-МАЛКЪАР РЕСПУБЛИКАНЫ ПАРЛАМЕНТИНИ

Б Е Г И М И