Календарь событий

КъМР-ни Башчысы Казбек Коков КъМР-ни цифралы айныу, связь эм асламлы коммуникацияла министри Аскер Бозиев бла тюбешгенди. Ол аны юсюнден кесини телеграм-каналында билдиреди.

Къабарты-Малкъарны къырал телевидениясы 68 жыл мындан алгъа ишлеп башлагъанды. Ол къалай къуралгъаныны, аны айныу жолуну юсюнден фильм жарашдырыла турады.

Къабарты-Малкъар къырал аграр университет «Агроклассы» деген битеуроссей проектге къатышады. Аны чеклеринде ары башха-башха кезиуледе тогъуз мектепни келечилери келген эдиле. Кёп болмай а энтта да бирини окъуучулары болгъандыла вузда.

Багъалы окъуучуларыбыз!Сизни газетибизни озгъан номерлеринде устазлагъа болушлукъ этер мурат бла сабийлеге  жазылгъан материалла бла шагъырей эте тургъанбыз. Бюгюн да жаш жазыучу Ахматланы Танзиляны жомакъларындан бир къаууму бла сизни шагъырей этерге сюебиз.

Миллет сезим… Анга бизни ата-бабаларыбыз къачан да энчи магъана бере жашагъандыла.  Ол хар халкъны да тутуругъуду дерге боллукъду. Алай бюгюнлюкде биз анга эс бёлмей башлагъанча кёрюнеди. Бютюнда ол затны жаш адамла, жаш юйюрле сансыз этгенча кёрюнеди. Аны баш сылтауу уа, мен ангылагъандан, юйюрлеринде заманында ата-ана алагъа кёп затны тийишлисича ангылатмагъанларындады.

«Гитче эмда орта предпринимательство» миллет проект бардырылгъан кезиуде (2019-2024 ж.ж.) бизни республикада гитче эмда орта предпринимательство бла кюрешген тёрт жюзден артыкъ субъектге 6,3 миллиарддан аслам сом багъасына билеклик этилгенди. Жаланда былтыр бу амалны хайырын 27 субъект кёргенди. 

хапар

Отоуда тагъылгъанлыкъгъа, кюзгю дуниядан хапарлыды. Ол не къадар затны эсинде тутады деп, сейир этесе сен. Анга къарайса да, башынг чал бола баргъанын унутуп, чыбыкъ атын босагъагъа таяндырып, чартлап юйге кирген гитче жашчыкъны кёресе. Сора… анангы жилягъан бетин.

Нек кёрген эдинг ол кюн аны?! Жюрегинге бла бу кюзгюге тюйрелип къалгъанды да, энди ол сени кёзюнгден кетмейди. Артда кёп жылланы ичинде, ананг кюле турса да, сен аны жилягъан бетин кёрюп турдунг. Башха тюрлю эсинге тюшюралмайса.

Уллу Хорламны байрамына аталып, Къабарты-Малкъар къырал университетни Минги тауда солуу арасында «Уллу Ата журт урушну кезиуюнде Кавказ фронт» деген халкъла аралы илму конференция бардырылгъанды.  

КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ

Б У Й Р У ГЪ У