Календарь событий

1942 жылда июль айда фашист аскерле Донну жанындан Шимал Кавказгъа чабыуулну башлайдыла. Аскер-техника жаны  бла онглу немислиле алгъа терк барадыла. Гитлер командованияны муратлары уллу эдиле:  къысха заманны ичинде Кавказ тауланы зорлап, Тбилиси, Кутаиси, Сухуми жанына чыгъып, анда нефтьни къолгъа этерге, Жууукъ эм Узакъ Востокну къыралларын къорууларгъа эмда   Тюркню фашист блокга къошаргъа.

Сабийлени бла жаш тёлюню чыгъармачылыкъ арасында жыл сайын бардырылыучу «Зауукълу эришиуле» битеуроссей сынауланы регион кезиую бардырылгъанды. Алагъа саулай да республиканы мектеплеринден он къауум къатышханды.

Нальчикде А.Л. Ткаченко атлы музейде шахарчылагъа, къонакълагъа да Айвазовскийни, Брюлловну, Шишкинни, Дубовскийни суратларыны кёрмючю къуралгъанды. Андан тышында, музейде къытай санат бла шагъырейленирге онг болгъанды.

Биринчи мартдан кёп фатарлы юйледе жашагъанла жылыу ючюн жангы жорукълагъа кёре тёлерге боллукъдула. Аны юсюнден оноуну  муниципалитетле жылытыу кезиу башланыргъа юч айдан кеч къалмай этерге керекдиле.

Бизни республикада мюлкледе селекция-къумалы ишни айнытыуну юсюнден Къабарты-Малкъар къырал аграр университетни ветеринария бёлюмюнде илму-сынам семинар бардырылгъанды. Ары жыйылгъанла къойчулукъну айнытыу жаны бла оюмларын туура этгендиле, деп билдиргендиле вуздан.

Шёндю кавказ халкъланы асламы къыз къачырыуну айыплы жумушха санайды. Барыбыз да билгенден, Чеченде аны ючюн тазир окъуна саладыла. Болсада кёп жылланы ичинде эрге къачып барыуну биреу сыйсыз ишге санамагъанды.  Бизни халкъда уа болум къалайды деген соруу туугъаны себепли бу материалны хазырларгъа таукел болгъанма.

Хурметли жамауат!

Бир тюрлю чурумла бла 2025 жылны биринчи жарымына сиз «Заман» газетге жазылалмай къалгъан эсегиз, халны тюзетирге онг барды. Февральны 21-сине дери почтагъа барып, бу жумушну къайгъысын кёрсегиз, ана тилибизде чыкъгъан жангыз изданияны  биринчи мартдан  алып, окъуп башларыкъсыз.

Адам улу жаратылгъанлы узакъ ёмюр сюрюрге жарарыкъ  амалланы жыйышдыра келгенди. Аны бла байламлы ара  информагентстволаны  сайтларында басмаланнган билдириулени беребиз.

Сен бояуланы сюе эдинг. Кавказдача – ачыкъ, Шаркъдача – жарыкъ бояуланы. Аланы тюрлю-тюрлю бетлерин. Эрттенликге, кёк чууакълыгъына, тангны тазалыгъына къууана, кюн таякъла сени уятханларын кёрюп, кеси юйлерине ашыкъгъан булутлагъа сюйюне эдинг. Ингир алада уа, кюнню бата баргъанына къарай, сейир эте эдинг аны къызылсуу ариулугъуна.

Бирде сагъыш эте кетсенг, халкъыбызны къаллай деу, уллу, билимли адамлары болгъанларына сейирге окъуна къаласа. Аллай акъылманларыбыздан бири жазыучу, адабият кесаматчы, устаз, филология илмуланы доктору, профессор Толгъурланы Хамитни жашы Зейтун болгъанды.