Календарь событий

Ёлюмлени сылтауларыны арасында тромбозла кёпден-кёп болуп барадыла. Статистикагъа кёре, жер башында жашагъанланы тёртден бири тромбоз ауруудан къыйналыргъа боллукъ къоркъуулу къауумгъа киреди. Ол къалай къуралып тебирейди эм андан къорууланыргъа онг бармыды? Аны юсюнден республикалы больницаны хирургу Бапыналаны Марат бла ушакъ этгенбиз.

Кереметланы Хыйсаны эки уланы Зариф бла Зафир миллетибизни жигит жашларыдыла. Ала контракт жазып, энчи аскер операциягъа биринчи кюнледен бери къатышадыла. Жашла Дербентни къырал университетинде юристле хазырлагъан факультетде тёртюнчю эм бешинчи курслада окъуй турадыла.

Таулу таш бла бек эрттеги заманладан байламлыды. Таш анга жастыкъ да болгъанды, ышыкълыкъ да этгенди, душмандан къорууларгъа да жарагъанды, чеклени белгилеп да сюелгенди. Таулула кеслерине керек затланы, ол санда юй кереклени да, этгендиле андан. Ёмюрлени санагъанда, «таш тегене болгъан заманда» деп да андан эсгергендиле. Холамда, Бызынгыда, башха тау ауузлада да, ташдан къалагъандыла юйлерин, тыпырларын да андан этгендиле. Къолайлыракъла уа аны жонуп сюегендиле жашар журтларын.

Бек эрттегили «Алан айтышда» окъуна, жаш былай айтады къызгъа:

Ишлерге, баш тутаргъа излеген инсан, айхай да, амал да табалады. Анга шагъатлыкъгъа Борчаланы Хызырны бла Фатиматны келтирирге боллукъду, ала фермер мюлк бла кюрешгенли бир талай жыл болады, сауулгъан ийнекле жайып, аланы багъадыла. Бизни бла ушакъда ала жашау жорукъларыны, эл мюлк бла кюреширге не кёллендиргенини, бу ишлеринде къаллай чурумлагъа тюбегенлерини, жетишимлерини юсюнден айтхандыла.

Прохладный шахарда орналгъан "Кавказкабель" завод производствосун тёрт кереге кёбейтирге таукелди.

Къабарты-Малкъарны окъуучуларына Яндекс академияны лицейинде дерсле берип тебирегендиле. Юйретиу анда эки жылны бардырыллыкъды. Аны бошагъанла сертификат къоллу боллукъдула, ол а къыралны вузларына киргенде беш къошакъ балл берликди.

«Спартак» стадионда регбиден, спортну бу тюрлюсюню ветераны Михаил Суановну хурметине аталып, эришиу бардырылгъанды.

«Россети Шимал Кавказ» компанияны Къабарты-Малкъарда бёлюмюню – «Каббалкэнергону» специалистлери 5,3 минг инсанны электрокюч бла жалчытыу бютюнда ышаннгылы болурча этгендиле.

«Россети Шимал Кавказ» компанияны Къабарты-Малкъарда бёлюмюню – «Каббалкэнергону» специалистлери Басхан шахарда иги кесек электрокюч урланнганы бла байламлы шарт ачыкълагъандыла. Компаниядан билдиргенлерине кёре, бузукълукъ къурулуш цехледен биринде этилгенди. Бу шартны ала пландан тышында тинтиу рейд бардыргъан кезиуде тохташдыргъандыла.

Амброзияны кёп тюрлюсю барды, ол санда бек заранлыладан бири - ючге айырылгъан чапыракълы деген аллайды. Россельхознадзорну Шимал Кавказда регионла аралы бёлюмюню келечилери алгъаракълада тинтиуле бардыргъан кезиуде бу хансны Къабарты-Малкъарда биринчи кере тапхандыла.

«Заман» газетни жууаплы секретары Токълуланы Борис бла КъМР-ни Басма эм информация министерствосунда ишлегенимде танышхан эдим. Ол заманда анга, «Заманны» рекомендациясына кёре, басмада кёп жылланы ахшы урунуп келгени ючюн республиканы Правительствосуну сыйлы грамотасын бередиле. Къагъытланы жарашдыра туруп, ишини, жашаууну юсюнден да хапарлашхан эдик. Махтауланы, саугъаланы артыкъ уллу излемеген жашха ушагъан эди ол.

Хурметли жамауат!