Календарь событий

Нальчикде 1-чи номерли клиника больницасыны жеринде сменагъа 750 адамгъа къарарча беш къатлы поликлиника ишлене турады. Аны уллулугъу 10 минг квадрат метрге жетерикди. Проект федер ахчагъа бардырылады. Республикада эм уллу поликлиниканы къурулушуна 700 миллиондан аслам сом бёлюнюрюкдю.

Жыл башланнганлы Къабарты-Малкъарда «Саулукъ сакълау» миллет проектге кирген «Саулукъ сакълауда бир цифралы контур къурау» программаны чеклеринде керек IT- инфраструктура къуралгъанды. Аны хайыры бла эки мингден аслам телемедицина эсгертиу берилгенди.

Республиканы кёп профильли клиника больницасында (РЦВМТ) тынгылы ремонт этилгенден сора, жангы хирургия бёлюм ачылгъанды. Ол «Саулукъ сакълау» миллет проектге кёре, бюгюннгю излемлеге келишген бийик технологиялы оборудование бла да жалчытылыннганды.

Къабарты-Малкъарда жашагъанла «Саулукъ сакълау» миллет проектге кёре Перинатал эм ЭКО аралада ЭКО бла байламлы процедураны хакъсыз этдираллыкъдыла. Аны ючюн жаланда къолларында борчлу халда медицина страхованиялары болургъа керекди.

Арт заманда тиширыуланы саулукъларына аслам эс бурулады. Ол санда Къабарты-Малкъарны медицина учреждениялары жангы цифралы маммографла бла жалчытылынадыла. Сёз ючюн, жыл башланнганлы диспансеризацияны чеклеринде эм амбулатор халда 13 889 чакълы тиширыу кеслерине маммографда къаратхандыла.

  КъМР-ни Саулукъ сакълау министерствосундан билдиргенлерича, Нальчикни Калинин атлы орамында орналгъан 2-чи поликлиникасыны бёлюмюне тынгылы ремонт этилгенден сора, жангы излемлеге келиширча болгъанды.  Ишлени «Саулукъ сакълау» миллет проектни чеклеринде бардырыргъа онг табылгъанды. 

Ол борчун 1952 жылдан бери толтурады.  Бюгюнлюкде ол эсепде болгъан 89 минг чакълы адамгъа къарайды. Кюндюз багъылгъан стационарында да 20 жатар жер барды. 

Кёчгюнчюлюкден къайтхандан сора, малкъар халкъ кесини фольклорун сакъларгъа итиннгенди. Аны бла байламлы 1962 жылда Нальчикде «Малкъар халкъны диалектологиясындан, лексикасындан эм фольклорундан тинтиу материалла» деген китап басмадан чыкъгъан эди.

Москвада Странноприимный юй (шёндю Склифософский атлы институт) уллу сюймекликни белгисича ишленнгенди. Граф Н.П. Шереметьев Прасковья Ковалёваны сейирлик ауазы ючюн гитчелигинден окъуна сюйгенди. Крепостной театр къуралгъанда

Сёз устала, жазыучула, назмучула, жырчыла, къобузчула, къол устала.  Миллет жашагъан къадарда ала да бардыла. Ахшы ишлери бла белгилидиле эм жамауатда айтылгъанлай турадыла. Ала кеслери дуниядан кетселе да, унутулмайдыла. Ма аллай адамладан бири Къазийланы Билялды.

Бу кюнледе Минеральные Воды шахарда туризм тийрелени форуму ётгенди. Кавказ.РФ корпорацияны башчысы Андрей Юмшанов анда сёлешгенинде «Эльбрус» курортну къурулушуну эмда айнытыуну юсюнден оюмун билдиргенди.

Кавказ ючюн сермеш Уллу Ата журт урушда немислилени алгъа барыуларын тыяргъа онг бергенди, алай бла уа саулай къазауатны барыуун сындыргъанды. Тарыхчыланы оюмларына кёре, анда Совет Союз хорлатса, Уллу Ата журт уруш къалай бошаллыгъын айтхан да къыйынды.

Жети къыз бир юйюрде туууп, ата–аналары бла бир   тау элде  жашап тургъандыла. Аналары  жети къызым – жети минчагъым деп къубултуучу эди, юйюрлери къолайлы эди, нек дегенде,  кече - кюн демей ишлеп, къолларындан келгенни аямай кюрешгендиле. 

Къабарты-Малкъар къырал университетде, физика эм математика институт къурап, регионла аралы илму семинар ётгенди. Сёз анда медицина физикада жангы технологияланы юсюнден баргъанды, деп билдиргендиле вузну пресс-арасындан.