Календарь событий

Бу кюнледе Уллайгъан адамланы халкъла аралы кюню белгиленнгенди. Анга жоралап Черек районну администрациясыны Маданият эм туризм управлениясыны себеплиги бла Кашхатау элде жашагъан абадан адамлагъа деп энчи проект къурагъандыла. Алагъа саугъала да хазырлап, аланы юйлерине миллет макъамла согъуп баргъандыла. Къадырланы Джанита уа белгили эллилери Улбашланы Азнор айтыучу «Акъ таула» жырны эшитдирип кёллерин жарытханды.

«Балкария» къырал фольклор-этнография тепсеу ансамбль 1988 жылда чыкъгъанды сахнагъа. Алай а аны тохташыу жолу кёп жылла андан алгъа башланнганды. 1933 жылда Нальчикде Ленинчи окъуу шахарчыкъда жыр-тепсеу къауум къуралгъан эди. Къабарты-Малкъар жыр эм тепсеу ансамбль аны мурдорунда къуралгъанды. Аны башчыларындан бири Рахайланы Якуб болгъанды. 

Майский шахарда А.С. Пушкин атлы китапханагъа тынгылы ремонт этилип бошалгъандан сора, бу кюнледе ол эшиклерин жангыдан ачханды. Ишле анда «Культурная среда» къырал проектни чеклеринде бардырылгъандыла, деп билдиргендиле Май районну администрациясындан.

КъМР-ни Муслийманларыны дин управлениясыны башчысы Хазраталий Дзасежев бла Шимал-Кавказ ислам университетни ректору Чочайланы Шарабутдин Къарачай-Черкесни муслийманларыны  кезиуден алгъа чакъырылгъан XI съездлерине къатышхандыла. Жыйылыу Черкесскни Маданият юйюнде бардырылгъанды.

Губула къан ичип, кёп тюрлю аурууланы жаядыла. Быллай заранлы затладан бири Ornithodoros деген губуду, ол тонгузланы африкалы эминасын ауругъан малладан саулагъа женгил кёчюреди.

Отузунчу сентябрьде къыралыбызгъа жангы регионла - Донецк эм Луганск халкъ республикала, Запорожье эм Херсон областьла – къошулгъаны белгиленнгеди. Тарых магъаналы байрамгъа аталып Чегемни бешинчи номерли мектебинде митинг-концерт болгъанды.

КъМР-ни жаш тёлю ишлери жаны бла министрини орунбасары Ахметланы Баширни жашы Артур   жаш тёлюню айныууна жарагъан кёп магъаналы проектлени бардырыугъа себеплик этеди. Аны  блады бизни бу ушагъыбыз да.

Республикада коммерциялы организациялагъа Роспотребнадзорну Къабарты-Малкъарда бёлюмюню атындан хыйлачыла сёлешген тёре жангыдан кюч алып башлагъанды, деп билдиргендиле бу ведомстводан.

РАН-ны академиги Энейланы Тимурну жюзжыллыгъын «Антарес» билим бериу арада белгилегендиле. Айтхылыкъ алимге аталып, анда эсгериу къанга орнатылгъанды.

Анапада Аскер искусстволадан оналтынчы битеуроссей жаш тёлю оюнланы чегинде каратени бир тюрлюсюнден  эришиуле болгъандыла. 

Жыл санлары жетгенлени асламысы кюн тюрленнгенлей  къыйналып башлайдыла. Ол не бла байламлыды? Аны юсюнден Вольный Ауулну поликлиникасыны врачы Рахайланы Людмила бла ушакъ этгенбиз.