Календарь событий

Къол кётюрюуню бирикдирилген кюнюнде росгвардиячыла реионда право низамны сакълагъандыла. Айырыулада къоркъуусузлукъну Звездный элде аскерчи бёлюмню къуллукъчулары бла  ведомстводан тышында 500 къалауур  жалчытхандыла, деп билдиргендиле бизге Росгвардияны пресс-службасында.

Кёп болмай Россейни Правительствосуну Председателини орунбасары Дмитрий Патрушев къыралны агропромышленный комплексинде болумгъа жораланнган кенгеш бардыргъанды. Анга видеоконференция халда КъМР-ни эл мюлк министри Хасан Сижажев да къатышханды.

Бизни къыралда нодулярный неда, башхача айтханда, узелковый дерматитден ауругъан малла биринчи Чеченде белгиленнгендиле. Бюгюнлюкде ол маллагъа жукъгъан, къысха заманда онгсуз этген, бек къыйын (карантин) аурууладан бирине саналады.

Къабарты-Малкъарда нартюхню тынгылы жарашдырырча уллу проектни жашауда бардырыр мурат этиледи. Инвесторла къыйматлы проектге 50 миллиард сом чакълы берирге хазырлыкълары да белгили болгъанды.

Булунгуну орта школунда жангы окъуу жыл башланнганы бла устазланы, сабийлени, ата-аналаны да алгъышларгъа республиканы курортла эм туризм министри Мурат Шогенцуков келгенди. Школну директору Этезланы Марина анга мектепни кёргюзтгенди, окъуучуларыны жетишимлерини юсюнден айтханды, къаллай чурумлагъа тюбегенлерини юсюнден да билдиргенди.

Локияланы Жаухар редакциягъа жаза туруучуду. Ол бу жол да бир эсгериуню жазып жибергенди да, аны басмалайбыз.

Махмут Аскерден тёрт жылгъа таматады. Орамда сабийлени барындан да жыл саны бла абаданды. Ойнаргъа жыйылгъанлагъа ол оноу этеди

Марзиятны кичи жашы Шамиль бир да къаугъалыды. Тюз жерде абыныр. Ол туугъанлы бери да асыры чырмыкълагъа тюшюучю болгъандан, ол больницадады деп сёлешгенлеринде, къайгъы алса да, сейир а этмеди Марзият:

Республикабызда бокс спортну айныгъан тюрлюлеринденди, аны бла аслам адам профессионал, любитель халда да кюрешедиле. Тренер Тогъузаланы Ибрагим Нальчикде бай сынамына сабийлени юйретеди, алагъа спорт, адамлыкъ жаны бла да ахшы юлгю кёргюзтеди. Ол кеси, спорт бла сабийликден кюреше, дзюдодан, боксдан бла къатыш единоборстволадан округ, къырал даражалы эришиуледе атын айтдыргъанды, республиканы жыйымдыкъ командасына киргенди. Спорт бла кюрешген заманында 450 –ге жууукъ сермеш бардыргъанды. Бизни бла ушагъында спортха къалай келгенини, тренерлик ишини юсюнден да айтханды.