Календарь событий

Жанхотияны орта школну да, бирси мектепледеча, зауукълу кезиу башланды. Билимни кюнюнде анда арбазда эшитилген тюрлю-тюрлю макъамла келген къонакъланы кёллерин жарыкъ эте, къууандыргъандыла.

Жолгъа чыгъаргъа сакълап тургъан жашла Къазийланы Къанамат (Нальчик – Ташлы-Тала рейсни шофёру) бла Мисирланы Мурадин (Нальчик – Огъары Малкъар рейсни шофёру) бир автобусда олтуруп ушакъ эте тургъанлай барып къалдым. Жашла  телефонларын чыгъарып, Герпегежде  Хеу сууну юсю бла тартылгъан  кёпюрню суратларын кёргюзтдюле.

Жазаланы Къасым бла Беппайланы Чилле, эки жаш бла юч къыз ёсдюре, Чегем ауузунда Кам элинде тынч-ырахат жашай эдиле. Сабийле да ёсе, алагъа къарай, ата-ана да къууана. Ахшы муратла да алда.

Къабарты-Малкъарда 8 сентябрьде боллукъ айырыулада 700-ден аслам жамауат къараучу ишлерикдиле, деп билдиредиле Жамауат штабны пресс-арасындан.

КъМР-ни Саулукъ сакълау министерствосундан билдиргенлерича, жыл башланнганлы республикада 1054 рентгенэндоваскуляр операция этилгенди.  Ол Республиканы бийик технологиялы арасында бла Республиканы клиника больницасында жюреклери ишемия эм коронар аурууладан къыйналгъанлагъа этиледи.

Жылны аллындан башлап республикада сабийле от бла ойнагъанларыны хатасындан сегиз кере от тюшгенди, алада адам ёлмегенди. МЧС-ни регионда Баш управлениясындан белгилегенлерича, быллай болумла гитчеле от бла сакъ хайырлана билмегенлерини, абаданла ала бла от бла кюрешгенде уллу кёллюлю болгъаныны, ата-анала сабийлени бош заманларын тийишлисича къурамагъанларыны хатасындан чыгъадыла.

Ётгюр жашларыбыздан бириди Бёзюланы Хасанны уланы Магомет. Россейге арт кезиуледе кёп къужур ишлеге къажау сюелирге керек болгъанды. Бизни жигитибиз Магомет да биринчи кюнден бери Ата журтну къоруулау борчдан артха турмагъанлай, аскер къуллугъун тийишли толтургъанды.

МЧС-ни регионда Баш управлениясында кече-кюн да ышаныулукъну телефону ишлейди, аны номери - 8(8662) 39-99-99.

Бир затха эси бёлюнюп неда ишден арып келип, аш эте тургъанлай, газны ёчюлтмей къайсы инсан да къояргъа боллукъду. Бютюнда аллай болумгъа уллайгъан адамла тюшедиле. Сора, юйледе жаныу сабийле от бла ойнагъанларыны хатасындан да аслам чыгъады.  МЧС-ни бёлюмлери бу халда чыкъгъан къыйын болумлагъа «аш юйде от тюшюу» деп да атагъандыла. Аланы сылтаулары – газ плитада аш кюйгени, газ эм электроприборланы терс хайырлыныуду.

РусГидро компанияны Къабарты-Малкъарда бёлюмюню келечилери, чабакъчылыкъ жаны бла федерал агентствону Запад-Каспий управлениясыны специалистлери бла бирге  бу кюнледе республиканы череклерине каспий лососьчукъладан 200 мингден артыгъын жибергендиле. Быллай магъаналы иш тёртюнчю кере бардырылады.

Россельхлознадзорну Шимал Кавказда управлениясыны Къабарты-Малкъарда бёлюмюнден билдиргенича, быйылны башындан бери нартюхден этимлген крахмалдан тышына 189,75 тонна сатылгъанды. Алай бла бюгюнелюкде анга тыш къыраллада сурам ёсе баргъан хайырлы экспорт продуктладан бирине санаргъа боллукъду. Аны кёбюсю Къыргъызстаннга сатылгъанды.

Быйыл миллет газетибиз «Заманны» 100-жыллыкъ юбилейин белгилейбиз. Аны бла байламлы газетни кёчгюнчюлюкден къайтхандан сора чыкъгъан тарыхлы биринчи номерлерин эсгеребиз бюгюн. Сейир тюйюлмюдю, журтларына къайтханлы бир ненча ай болгъан халкъ, 1957 жылны 5 майында миллет газетни биринчи номерин чыгъаргъаны.