Календарь событий

Жамауат: бу сёзге къаллай бир магъана сыйынады! Не къыйынлыкъда да адам абызырамайды, билсе къатында адам боллугъун. Адам – ол жаланда эгеч, къарындаш тюйюлдю, эллилеринг, жерлешлеринг. Жамауат жыйылып, юйле ишленнгендиле кёчгюнчюлюкден сора. Жамауат жыйылып, оноу этилген эди Азияда: Ата журтха къайтабыз, деп. 

Быйыл жылны аллындан бери «Саулукъ сакълау» миллет проектге кирген «Жюрек эм къан тамыр ауруулагъа къажау» къырал программагъа кёре, 1054 адамгъа рентгенэндоваскуляр оперция этилгенди.

Кёп болмай Россейни    илму-излем арасыны Астраханьда   бёлюмюню оториноларингология жаны бла специалистлери  юч кюнню ичинде Нальчикде, Элбрус, Золск, Басхан, Прохладна эм Терк  районланы ара больницаларында 150 саусузгъа къарагъандыла. Аны кезиуюнде эм онгсузлагъа саналгъан бир къауум адам федерал арада операция этилирге айырылгъандыла.

Къабарты-Малкъар Республиканы Башчысы Казбек Коков Нальчикде «Александровка» микрорайонда 2-чи номерли шахар поликлиниканы ремонт этилген бёлюмюне къарагъанды. Ишлени саулукъ сакълауну биринчи звеносун тапландырыу программагъа тийишлиликде бардыргъандыла. Республиканы таматасыны биргесине анда КъМР-ни Правительствосуну Председатели Мусукланы Алий, КъМР-ни саулукъ сакълау министри Рустам Калибатов болгъандыла.

Къабарты-Малкъар Республиканы Башчысы Казбек Коков КъМР-ни Бийик медицина технологияла арасыны кардиология диспансерини иши бла шагъырейленнгенди, аны «Жюрек-тамыр ауруулагъа къажаулукъ» регион проектге тийишлиликде шёндюгюлю бийик технологиялы медицина оборудование бла андан ары жалчытхандыла. Жолоучулукъну чегинде республиканы оноучусуну биргесине КъМР-ни Правительствосуну Председатели Мусукланы Алий, КъМР-ни саулукъ сакълау министри Рустам Калибатов, араны баш врачы Герман Докшоков болгъандыла.

Бюгюнлюкде КъМР-ни экономикасын айнытыу бла байламлы иши тохтатылып тургъан «Тырныауузну тау-байыкъландыргъан комбинаты» ОАО-ну къалгъан-къулгъанлары асыралгъан жерине сейир аз тюйюлдю. Ол жер кеси да Элбрус районда тенгизден 1210-1234 метр бийикликде Гыжгыт эмда Басхан череклени жагъаларында орналыпды. Бу тийре жер теберге къоркъууу болгъаннга саналады, алайдагъы объектле уа оюлургъа хазыр халдадыла. Экспертлени тергеулерине кёре, къалгъан-къулгъанла асыралгъан жер оюлса неда аны тийишлисича ишлегени (тургъаны) бузулса, экология жаны бла къыйынлыкъгъа эки бла жарым миллиондан аслам адамы болгъан 35 минг км. тийре тюшерикди.

 Мындан 20 жыл алгъа бизни къыралда бек кюйсюз ишледен бири болгъанды. 2004 жылны 1 сентябринде террористле Шимал Осетия - Аланияны Беслан шахарында школгъа кирип, анда бегитилгендиле, жесирге кёп адамны да алып. Мурдарланы къолларындан 334 адам жоюлгъанды, ол санда 318 жесир. Аланы арасында уа  186  сабий болгъанды.

Орус география обществону (РГО) регионлада бёлюмлерини араларында байламлыкъла жюрютюуню чегинде Къабарты-Малкъарда Ненец автоном округну кюнлери бардырылгъандыла. Аланы муратлары Шимал Кавказда жашагъанланы Арктика регионну энчиликлери бла шагъырейлендириу эди.

Экеуленни араларын жаланда бир сёз окъуна бузуп къояргъа болады. Бютюнда кюнден-кюннге сууукъ кёз алагъа къарагъанлай, къатларындан кетмей турса уа, сюймеклик чакъгъан дуния бузлайды.