Календарь событий

«Россейни Журналистлерини союзу» битеуроссей жамауат биригиуню Къабарты-Малкъар регион бёлюмю КъМР-ни Миллетлени ишлери эмда жамауат проектле жаны бла министерствосуну бла «КБР-Медиа» ГКУ-ну себепликлери бла Жаш журналистлени школуна алыуну башлайды. 

Элбрус районда озгъан шабат кюн билим бериуню келечилерини кезиулю август кенгешлери болгъанды. Тырныауузну Къулийланы Къайсын атлы маданият юйюнде да уллу байрам ётгенди. Жангыртылгъан мекямгъа кеслерин билим бериуге жоралагъанла, ёмюрлерин устазлыкъ бла байлагъанла жыйылгъандыла.

Къабарты-Малкъарда «Саулукъ сакълау» миллет проектни чеклеринде республиканы медицина организацияларына онюч УЗИ аппрат алыннганды. Ала кёп аурууланы тюз тохташдырыргъа онг берликдиле.  

Азмычланы (вундеркинд) юсюнден кёбюрек билсек, бу энчи сабийлени къадарлары, биз суннганча, алай жарыгъ а болурму деп сагъышланабыз.

КъМР-ни Транспорт эмда жол мюлк министерствосундан билдиргенлерича, «Къоркъуусуз эмда тынгылы автомобиль жолла» миллет проектге кёре бюгюнлюкде мектеплеге баргъан жолланы элли километр чакълы биринде тынгылы ремонт ишле барадыла.  

- Жылны аллындан бери Къабарты-Малкъарда 72 туристни жанларына къоркъуудан сакълар онг болгъанды, - деп билдиреди РФ-ни МЧС-ини КъМР-да Баш управлениясыны пресс-службасыны таматасы Кантемир Беров.

КъМР-ни Саулукъ сакълау министерствосундан билдиргенлерича, бу кюнледе «Саулукъ сакълау» миллет проектни «Биринчи медицина болушлукъ берген бёлюмню жангыртыу» программасына кёре, Нальчикни 2-чи номерли поликлиникасына тынгылы ремонт этип бошай турадыла.

Быйылны июль айындан башлап сынауладан ётген инструкторла-жол кёргюзтюучюлени бир федерал тизмеси ишлеп башлагъанды. Бусагъатда анда эсепде беш мингден аслам адам барды.

 «Единая Россия» Курск областьха 800 тонна жандауурлукъ жюк жетдиргенди. Партия   юйде керекли техника, аш-суу, кийимле эмда бузулгъан журтланы ишлетирге къурулуш материалла келтиргенди.

Республикабызда, битеу къыралда да ауур атлетиканы айныууна уллу къыйын салгъан тренерледен бири Маккаланы Махтиди. Ол Россейни сыйлы тренериди, Къабарты-Малкъарны физкультурасыны эм спортуну сыйлы къуллукъчусуду, бюгюнлюкде уа Азербайджанны ауур атлетикадан федерацияны директорларыны советини оноуу бла ол тыш къыралгъа эр киши жыйымдыкъ команданы хазырларгъа чакъырылгъанды.