Календарь событий

КъМР-ни сыйлы артисти Къудайланы Ахмат «Балкария» фольклор-этнография къырал ансамбльде тепсейди. Ол «Элия» ансамбльни да къурап, сабийлени юйретеди. Аны къамала бла уста тепсегени кёплени сейирсиндиреди. Ол дауурбасны да уста къагъып, къараучуну эсин бийлеген фахмусу бла айырмалыды. Ахмат кеси да бизни бюгюннгю ушакъ нёгерибизди.

Кёп адамла эрттен бла аш ашаргъа жетишмей, бирде суу ичип, бирде уа аны да этмей, кими окъуугъа, кими ишге кетедиле. Алай эрттен ашны заманында ашау, жаланда адамны чархына керекли, хайырлы затла бергенден тышында, аш орунуну ишин да тюзетеди.

КъМР-ни Башчысы Казбек Коков иш бла Терк районда болгъанды. Республиканы оноучусу жолоучулугъун Терек шахарны объездине къараудан башлагъанды, ол «Къоркъуусуз эм качестволу жолла» миллет проектге тийишлиликде жангыртыла турады.

Сатыуда болгъан балны качествосун Роскачество муну аллында жыллада бир ненча кере тинтгенди. Бу жол анда жангы материал жарашдыргъандыла: эм учуз балны къурамыны, стандартлагъа келишгенини эм башха ышанларыны юсюнден.

Республикабызны ара шахары тарых магъаналы эсгертмелеге байды. Аладан бири Шортанов атлы орамда Къоз терек паркны аллында Ата журт ючюн жанларын берген комсомолчуланы эсгертмелериди, быйыл анга 55 жыл толады. 

«Единая Россия» политика партияны регионда штабыны себеплиги бла студентлеге, окъуучулагъа эм сабий садлагъа жюрюгенлеге «Къоркъуусузлукъну ярмаркасы» къуралгъанды.

Бюгюн алгъын редакция бла эрттеден бери шуёхлукъ жюрютюп тургъан Атабийланы Магомет жиберген   материалны басмалайбыз. Ол чам халда айтылады. Дагъыда окъуучуларыбызны кёллерин кётюрюрге, бурун заманлада жюрюген адетлерибизни унутмазгъа эмда сакъларгъа себеплик этер умутдабыз.

Быйыл жылны биринчи жарымында «Россети Шимал Кавказ» - «Каббалкэнерго» заманында тёлеген абонентлени 98,4 процентин ток бла жалчытханды. Ол, былтыр бу заман бла тенглешдиргенде, 0,5 процентге кёпдю.

Къабарты-Малкъарда жашау журт-коммунал мюлк предприятияла хайырланылгъан ток ючюн «Россети Северный Кавказ» биригиуге танг кесек берликлери барды. Ол санда Нальчикде «Водоканал» эм уллу борчу болгъанладан бири.

Мектеплени тамата классларында окъугъанланы араларында информатикадан тюрлю-тюрлю эришиуле бардырыла туруучудула. Хасанияда Фрийланы Рамазанны атын жюрютген 16-чы номерли мектепде ишлеген Ботталаны Светлана, Хапаланы Идрисни къызы, окъуучуланы алагъа хазырлауда уллу иш бардырады.  Ма аны юсюнден бюгюннгю ушагъыбыз.

КЪАБАРТЫ-МАЛКЪАР РЕСПУБЛИКАНЫ ПРАВИТЕЛЬСТВОСУНУ

Б Е Г И М И

Республикабызда табийгъат къыйын болумланы кёбюсю чыгъарына къоркъуу не заманда да барды. Халны эсепде тутар муратда МЧС-ни МИ-8 вертолётунда ведомствону регионда Баш управлениясыны келечилери, табийгъат байлыкъла эм экология министр бла Бийик тау геофизика институтну келечилери бийикликден таулада – Басхан, Чегем ауузлада, Джылы-Сууда бла Малканы огъарысында - болумгъа къарагъандыла.