Календарь событий

Аманлыкъчыла, адамладан хыйла бла паспортларыны шартларын жыйып, аланы атлары бла кеслерине кредитле алгъан кезиуле аслам чыгъадыла. Сизни паспортугъуз бла ахча алыннганын бла къалгъанын къалай билирге боллугъуну юсюнден «Финансла. Mail.ru» сайтха юрист Мария Яковлева айтханды.

Къарачай-малкъар халкъны аш хазнасыны юсюнден кёп тюрлю материалла басмаланнгандыла. Ол шарт таулу халкъны маданияты, хар кюнлюк турмушу бла байламлы эмда бай болгъаныны шагъатыды. Бурун заманлада окъуна Кавказгъа келген белгили жолоучула А. Тузов, Ю. Клапрот, Анри де Ла Мотрэ, Янош Карой Бешш (Бессе), къарачайлыланы эм малкъарлыланы юслеринден кёп ахшы затла жазып къойгъандыла. Сёзсюз, ала бек алгъа къонакъбайлыкъны, аш хазнабызны, жашау турмушубузну юсюнден жазгъандыла. Бюгюнлюкде ол затла сакъланамыдыла жамауатда, тура эселе къалай жюрютюледиле деген соруула кёплени сейирсиндире болурла.

Кучменланы Мухарбекни къызы  Къантемирланы Ольга  Къазахстанда туугъанды. Таулу халкъ Ата журтларына  къайтхандан сора уа  Къашхатауда орналып, жашау ыз къурагъандыла. Аны атасы  Мухарбек, ол кезиуде Ич ишлени министерствосунда ишлегени себепли 1961  жылда аны  Тырныаууз шахаргъа ашыргъандыла. Ол жылдан башлап, мени жигитими жашауу Тырныаууз бла байланнганды. Мында ол 1-чи номерли школну бошап  устаз болургъа сюйген эди. Алай  жашауну анга башха умутлары болгъандыла. Бюгюнлюкде Ольга сайлагъан усталыгъы, жашагъан жолу ючюн да арталлыда сокъуранмайды.

Алагъаракъда юйретиу семинарны чеклеринде Санкт-Петербургну Аскер-медицина академиясыны медиклери Нальчикде  Республикалы клиника больницаны нейрохирургия бёлюмюню врачлары бла бирге аркъа сюеклери  къыйнагъан бешеуленнге операция этгендиле.

Кёп болмай П. Герцен атлы радиология жаны  бла  илму медицина излем араны онкологлары   ишчи жолоучулукъларыны чеклеринде Нальчикде болгъандыла. Ала  Онкология  диспансерни,   Амбулатор халда  онкология болушлукъ берген араны, Районла аралы кёп профильли больницаны эм Хирургия араны ишлери бла шагъырейленнгендиле. 

Къабарты-Малкъарда Республикалы кёп профильли медицина технологиялы  ара ишлерикди. Ол эки уллу медицина организацияны мурдорларында къуралгъанды.  

Бу материалда халкъ тарыхчы Толгъурланы Бекмырза бичен ишде хайырланылгъан адырланы юслеринден айта, ала­ны ишге хазырлауну жорукъларын жаш адамланы эслерине салыргъа излегенди. Чалгъы, сенек, тёш, чёгюч, къалакъ, юзмез хар кюн сайын чалгъычыны биргесине болургъа керекли затладыла. 

Чочайланы Дарина Пятигорскну шахар клиникалы больницасыны мурдорундагъы регион даражалы Къан тамырла араны врачы-кардиологуду, функционал диагностиканы бардыргъан (УЗИ, ЭКГ, суткалы монитор) врачыды. Мында ишлей, билимли, окъуулу да болгъаны бла бирге, саусузлагъа къайгъыргъаны бла жамауатны хурметине, ыспасына да тийишли болады. Бери аны излеп, андан оюмун сорургъа, аурууларына ол бакъса сюйюп, бизни республикадан да кёпле келедиле. Биз а аны бла ишини, башха затланы юслеринден да ушакъ этгенбиз.

Малкъар Россейге къошулуп, документле орус тилде бардырыла тебирегенде, къагъытчыла бир-бир тукъумланы, халкъда жюрюгенича болмай, бир харфын тюрлендирип, башхаракъ жазып да къойгъандыла. Аны айта келгеним, Хубийлары Хибийлары деп да жюрюйдю.

«Газпром газораспределение Нальчик» компанияны специалистлери шёндю Нальчикде Вольный Ауул микрорайонда ишлене тургъан Буз къаланы котельнясына газ тартхандыла. Аны этер ючюн, отузметрлик быргъы орнатыргъа тюшгенди, - дегендиле компанияда.

КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ

У К А З Ы

Кофени бу тюрлюсю 1938 жылда 24 июльда къуралгъаннга саналады. Аны аслам халда ма ол кюн чыгъарып башлагъандыла. Алай кертисин айтханда уа, быллай кофени тарыхы андан эрттеден келеди.