Календарь событий

Жай бла кюз арты от тюшерге къоркъуулу кезиулеге саналадыла. Ол себепден Къабарты-Малкъарда от тюшюуге къажау-къутхарыу службаны келечилери жыл сайын профилактика ишни бардырадыла. Бютюнда анга жайда аслам эс бурургъа тюшеди. Аны кезиуюнде къоркъуусузлукъну жорукъларына юйретедиле эм эсгертиу буклетле да юлешедиле.

Къабарты-Малкъарда кёкшууну ёсдюрюп талай жыл мындан алгъа башлагъандыла. Бирле аны кеслерини бахчаларында саладыла, башхала уа юлкюлени аслам халда орнатадыла. Аллай жерлени ёлчеми 170 гектардан озгъанды, дейдиле республиканы Эл мюлк министерствосунда.

Къабарты-Малкъарны Курортла эм туризм министерствосундан билдиргенлерине кёре, Минги тауда ёрлеулени эсеплеген дунияда биринчи счётчикни орнатырыкъдыла.

Адам бир усталыкъгъа кёлю бла берилип, аны хайыры бла бийик жетишимлеге жетсе, ол керти насыпды. Россейни, Къазахстанны, Белоруссияны Миллет гильдияларыны шеф поварларыны бла Россейни Кулинар ассоциациясыны келечиси, «Русский шеф» дегенни резиденти Чеченланы Бисо аллай инсанларыбыздан бириди. Ол жангызда Россейде угъай, Италияда, Тюркде, Египетде, Къазахстанда да белгили поварды.

Жаш адамлагъа деп Къабарты-Малкъарны ара шахарында къала ишлене турады. Ол бек уллу (20 минг квадрат метрлик), тынгылы объект болургъа ушайды. Анда эки сахна зал ишлерикди: биринде – 785, экинчисинде уа 180 къараучугъа жерлери бла.

Жайда, иссиликге тёзалмай, кёп суу ичебиз, ол санда татлы сууланы да. Аланы саулугъубузгъа иги неда осал болгъанларыны юсюнден врач Сарбашланы Анжела бла ушакъ этгенбиз.

Россейни аманлыкъчыланы терсликлерине жолукъдуруу федерал службасыны КъМР-де Управлениясыны 4-чю колониясында къуралгъан тюзетиу арада  тутулгъанла «Жандауурлукъ иш» битеуроссей жумушлагъа къатышхандыла. Аны чеклеринде къыралны битеу регионларындан чомарт адамла эки жылны ичинде жангы регионлада жашагъанлагъа, социал эм билим бериу учреждениялагъа, энчи аскер операциягъа къатышханлагъа жашауда керекли затла ашырадыла.

«Единая Россия» билим бериу учрежденияланы тынгылы жангыртыу эм ишлетиу жаны бла президент программаны ал эсеплерин чыгъаргъанды. Владимир Путинни буйругъу бла   программаны партия Жарыкъландырыу министерство бла бирге толтурады.

Диабет ауруудан вакцина къурау бла кюрешген канадлы физиолог Фредерик Грант Бантинг, тинтиуле бардыргъан кезиуюнде, 1920 жылда октябрьде быллай акъылгъа келеди: итни ашхын тюбюнде безинден суу чыкъмазча этсе, анда диабет айнымайды. Ол алай не ючюн болгъаныны юсюнден сагъыш эте кетип, къанда бал тузну азайтхан не эсе да бир зат безде табылгъанын ангылайды ол. Оюмун Торонто шахарда профессор Дж. Маклаудха билдиреди. Ол а жаш алимни айтханын болмазлыкъ, кюлкюлю затха санайды.

Материалны редакциягъа Огъары Малкъардан  Темуккуланы Адил жибергенди эди. Газетни сайтына къараучуланы шагъырей этебиз.

Шёндюгю жашауда билим алмай амал жокъду. Жаш адам университетде хакъсыз жерге орналса игиди, алай болалмаса уа, тёлеп окъургъа боллукъду. Анга уа тийишли кредит алыргъа амал барды. Аны юсюнден толу информацияны Объясняем.рф порталда басмалагъандыла.