Календарь событий

Тамата прапорщик Татталаны Элдарны жашы Зауурну аты Сирия Республикада шахарладан биринде орамгъа аталгъанды, анда эсгериу къанга да орнатылгъанды. Екатеринбургда таулу жаш къуллукъ этген аскер бёлюмде баннерде сураты тагъылгъанды, аны хурметине туугъан эли Кёнделенде эсгертме салыннганды, школда юнармиячыланы къауумуна да аны аты берилгенди.

Къарачай-малкъар  халкъны татыулу ашарыкълары асламдыла. Эр кишиле олтургъан хант тепси хычинсиз хазна болмагъанды.Тиширыула хар тёреге неда байрамгъа энчи хычин этгендиле. Орам бла ётюп баргъан адам хычин ийис чыкъгъан юйге къайтмай къалмагъанды. 

Баям, харбызны сюймеген киши болмаз, алай аны татыулусун сайлай билирге керекди. Халкъда бу жаны бла кёп тюрлю амал жюрюйдю.
 

Таулула не заманда да мал тутуп башларын алай кечиндиргендиле. Ашлары-суулары да аны бла байламлыды, сютден кёп тюрлю ашарыкъла этгендиле. Аладан бири – къош къаймакъды. Аны тиширыула юйде да жарашдыргъандыла. Алай асламысында къошда этип болгъандыла. 

Июльну жылыулу кюнлеринде биз ёхтемлигибиз, кёп уллу адабият саугъалагъа да тийишли болгъан дуниягъа аты айтылгъан поэтессабыз Зумакъулланы Танзиляны туугъан кюнюн белгилейбиз. Быйылгъы жыл а аны юбилей жылыды. 

Жер башында неллай бир къырал бар эсе да, аланы хар биринде да кесини энчи ахчасы жюрюйдю. Бизде ол сомду, АБШ-да - доллар, Къытайда уа – юань. Шёндюгю дунияда ахчала къагъытдан неда темирден этиледиле.

Тукъум жыйылыула ёсюп келген жаш адамлагъа аламат жашау дерследиле. Алагъа къатышханла, бир бирлерин иги таныргъа онг тапхандан сора да, ата-бабаларыны, тукъумну тарыхындан кёп зат биледиле. Аны алайлыгъын Шауаланы тукъумну жыйылыуунда да кёрдюк.