Календарь событий

Кёп болмай «Алтын кюз арты -2022» - жыйырма бешинчи  битеуроссей агропромышленный кёрмючде Къабарты-Малкъар къырал аграр университетни алимлерини  проектлери  тогъуз майдалгъа тийишли болгъандыла. Ол илму-технология эм билим бериу, эл жерлени айнытыу, мелиорация эм жер бла байламлы политика эм къырал иелик жаны бла департаментлени кючю бла бардырылгъанды.  

Республиканы Спорт министерствосу билдиргеннге кёре, бу кюнледе Терк районда грек-рим тутушуудан Россейни сыйлы тренери, КъМР-ни физкультурасыны бла спортуну сыйлы къуллукъчусу Нургали Битоковну хурметине ачыкъ республикалы эришиуле бардырылгъандыла. Анда Къабарты-Малкъарны грек-рим тутушуу бла кюрешген жаш спортчулары онбеш ауурлукъ къауумда кеслерин сынагъандыла. Битеу бирге 180-ге жууукъ спортчу къатышханды.

«Кеф водитель» кезиулю энчи жумушланы кезиуюнде эсирип, неда машинаны жюрютюрге эркинликлери болмагъан 39 водительни ачыкълагъандыла жолда жюрюуню инспекторлары. Энчи стоянкагъа 33 улоу жетдирилгенди.

Тырныауузну В.А. Губанов атлы «Геолог» спорт комплексинде ауур атлетикадан «Спорт терроргъа къажауду» деген чакъырыу бла республиканы биринчилиги бардырылгъанды. Анга Бахсан, Прохладна, Терк, Урван эм Элбрус районладан, Бахсан эм Нальчик шахарладан 15-20-жыллыкъ юниорла къатышхандыла.

Нальчикни ара орамларындан биринде «Машинаны жюрютгенде ичгичилик 0%» акция ётдюрюлгенди.

Ич ишлени борчларын толтура ёлген аскерчилерини хурметлерине аталып, Тырныауузда  каратеден тёрели турнир бардырылгъанды. Аны Элбрус районну физкультура эм спорт комитети бла ич ишлени жер-жерли бёлюмю къурагъандыла.

Москвада ЦСКА-ны женгил атлетика-футбол комплексинде «Поддубныйни школ гёжеф лигасы» деген аты бла эришиу бардырылгъанды, анга къыралны битеу субъектлеринден жаш спортчула къатышхандыла.

Спортну халкъла аралы устасы Кокаланы Асланны хурметине аталып, Черкесскде каратеден уллу битеукъырал эришиу болгъанды. Анга Россейни 10 регионундан, ол санда Шимал Кавказны республикаларындан, Краснодар крайдан, Кърымдан, Юградан бла талай шахардан 8-17-жыллыкъ жаш эм абадан 470 спортчу къатышхандыла.

Санкт-Петербургда «Шторм» стадионда грек-рим тутушуудан «Восходящие звёзды» деген аты бла эришиу бардырылгъанды. Анга Россейни регионларындан бла жууукъдагъы тыш къыралладан жаш гёжефле къатышхандыла.

Хар ауурлукъ къауумда аслам спортчу тутушханына къарамай, «Эльбрус» спорт школда жарау этгенле майдалла къытхандыла. Алай бла «алтынны» Джуртубайланы Альберт (62кг.) алгъанды. Ол Санкт-Петербургдан, Дагъыстандан бла Белоруссиядан, ахырында уа Ленинград областьдан спортчуланы хорлагъанды. 38 килограммгъа дери ауурлукъда «кюмюшню» Хутуйланы Таулан къытханды. 

Къабарты-Малкъарны Перинатал арасында республиканы беш медицина организациясына: Нальчикни 1-чи, 2-чи номерли клиника больницаларына, Кёп профильли районла аралы больницагъа эм Прохладнаны стационарына   аудиторланы хазырлагъандыла. Ала учреждениялада  иш качестволу барырча къарарыкъдыла. Специалистлени Качество жаны бла миллет институтну таматасыны орунбасары Олег Швабский бардыргъанды.

Кёп болмай Нальчикде  Россейде аллергологла бла  иммунологланы  ассоциациясыны жыйырма жыллыгъына атап  илму-практика конференция болгъанды.  Анда баш тема иммунитетлери къарыусуз саусузлагъа   багъыуну жангы  технологияларына жораланнганды.  Форумгъа Москва, Санкт-Петербург, Дондагъы Ростов шахарланы,   Ставрополь крайдан, Ингушетиядан, Чеченден, Шимал Осетиядан эм Къабарты-Малкъардан да   жюзге жууукъ  специалист къатышхандыла.

Кюз келип, хауа да сууукъдан сууукъ болуп башлагъаны бла коммунал предприятияла юйлеге жылыу берип тебирерге керекдиле. 

Роспотребнадзорну Къабарты-Малкъарда Управлениясында адамлагъа аланы атларындан хыйлачыла сёлеширге боллукъларын энтта да къайтарып билдиредиле, сакъ болургъа чакъырадыла. Анда айтханларына кёре, белгисиз адамла кеслерин, ведомствону таматасыча кёргюзтюп, организациялагъа сёлешип, банкда счётха ахча кёчюрюгюз неда аны энчи аскер операциягъа къатышханлагъа къолдан-къолгъа беригиз дейдиле.

ПРАВИТЕЛЬСТВО КАБАРДИНО-БАЛКАРСКОЙ РЕСПУБЛИКИ

П О С Т А Н О В Л Е Н И Е

№ 229-ПП  г.                     Нальчик                         24 октября 2022 г.

2022 жылны сентябрь айында 22 кюнню ичинде бир эр киши, полициячыма деп, алдап, Нартандан тишырыугъа сёлешип тургъанды. Ол сиз интернетде кёп заманны дарманла сатхан фирма алдатхан адамланы къауумуна тюшгенсиз, анга уголовный иш ачылгъанды деп, тиширыуну компенсациягъа тийишли болгъанына ийнандырыргъа кюрешгенди.

Бюгюн да, хар замандача, акъсакъал танг аласы бла тенг турду, арбазгъа чыкъды, нюрюн тёге тургъан кюннге къарады. Эки къолун анга узатды, жюреги куъууанды. Сора узакъ аламгъа кёз къарамын бурду да, битеу дунияны жаратхан, кёп жылладан бери кюнню жарыгъын анга кёргюзтюп тургъан сыйлы Аллахха баш ура шукур, ыспас этди, махтау берди.

Марьямны школ замандан окъуна кёп тенги болгъанды. Тенг къызлары аны бла заман ётдюрюрге бек сюйгендиле. Туугъан кюнлерине чакъырыргъа да ёч эдиле. Ма аллай жыйылыуланы биринде ол Азрет бла танышады. Къонакъ жаш бла ала бир мектепде окъугъанлыкъгъа, ол аны эсине окъуна тюшюралмады. Жыл саны бла да жаш андан 6 жылгъа тамата эди.

Насыпха, бизни республикада жер сейирликди, мында хар зат да ёседи, «жашил жер» дерге боллукъбуз, ол а солууубузгъа, саулугъубузгъа бек игиди. Ёпкеле ёпкелемезчады хауабыз. Алай аланы саулукъларын сакълар ючюн, не зат этерге керекбиз? Аны юсюнден Огъары Малкъарны больницасыны баш врачы Чаналаны Аслижан бла ушакъ этгенбиз.

- Аслижан, ёпке ауруула кёп тюбеймидиле?