|
|
Все статьи
23 января, 2019 - 08:11
Черек районда абадан тёлюню келечилерине юбилейлери бла байламлы РФ-ни Президенти В. Путинни алгъыш къагъытларын бериу ахшы тёреге айланнганды. Быйыл а бу ишге КъМР-ни Башчысыны къуллугъун болжаллы халда толтургъан Казбек Коков бла Черек районну администрациясыны таматасы Муртазланы Борис да къошулгъандыла.
23 января, 2019 - 08:09
Адамны билир ючюн биргесине бир пуд туз ашаргъа керекди деп оруслулада бошдан айтыла болмаз. Ма Мажит да, кёрген къызыны ариулугъуна кёзю къарап, аны бла бир-эки тюбешгенлей, юйюне алып келмесе эди, аны жашауу башха тюрлю къуралыргъа болур эди.
Ол Каринаны келтиргенде, аны анасын алгъышлай келгенле: «Насыбынг тутханды, бек иги жууукъ юлюшге жабышдыгъыз»,-дегендиле. Хау, келин белгили тукъумдан, къолайлы юйюрден эди.
-Ах кюнюм, къайын анасына норка шуба берди!
-Къайын къызына бир уллу бриллиант жюзюк бла сыргъала салды!
23 января, 2019 - 08:07
Къайсы миллетни алып къарасанг да, хар тукъумну да кесини тарыхы болгъанды. Малкъар халкъда да, мени акъылыма кёре, тукъумланы тинтгенде ачыкъланнган шартла адамны сейирин къозгъайдыла. Кесини ата тукъумуну юсюнден Чегембайланы (Баразланы) Музафарны жашы Зуфар 2006 жылны март айында айтхан эди. Ол замансыз дуниясын алышханлы бир талай жыл болады.
Бир бутагъы Абайлада эсленеди
23 января, 2019 - 08:05
Ал сёз
Кёчгюнчюлюкню, киши жеринде жашауну къыйын жылларында кёп тюрлю ачыулу, бушуулу ишле бла бирге бир-бирледе къужур шартла да бола тургъандыла. Бек сейири уа: ол заманда болгъан затла, адамланы хар айтханлары, хар этгенлери - иги неда аман иш болсун- къуру тамата тёлюню угъай, бизни, сабийлигибиз кёчгюнчюлюкню жылларына тюшгенлени да, эсибизде къалгъанды.
23 января, 2019 - 08:03
Ленинград - кишиликни, къатылыкъны, жашаугъа термилиуню, ышаныулукъну юлгюсюдю. Уллу Ата журт урушну ал кюнлеринде окъуна душманны къуршоууна тюшюп, ленинградчыла 900 кюнню бла кечени ичинде ачлыкъны, сууукълукъну сынагъандыла, хар кюн да ёлюмню кёзюне къарап жашагъандыла. Алай шахар ол къыйынлыкълагъа чыдагъанды, душманнга баш урмагъанды, даражасын тас этмегенди. Къыралыбызны шимал жанында ара шахарын гитлерчиледен эркин этиу сермешлеге уа Къабарты-Малкъарны жашлары бла къызлары да къатышып, жигитликни юлгюсюн кёргюзтгендиле.
23 января, 2019 - 08:00
«Единая Россия» политика партияны регион бёлюмюню политсоветини кезиулю жыйылыуу болгъанды. Анда эки соруугъа къаралгъанды. Биринчиси былтыр федерал партия проектлени жашауда бардырыу къалай ётгенин сюзгендиле.
21 января, 2019 - 09:40
Быйыл къыш солуу кюнледе Россейни регионларында жети миллиондан артыкъ турист кечиннгенди.
21 января, 2019 - 09:30
Республиканы грек-рим тутушуудан биринчилигине 2002-2003 жыллада туугъан жашла къатышхандыла. Эришиу Чегем шахарда къуралгъанды, Элбрус районну спортчулары анда беш майдал къыхандыла.
55 килограмм ауурлукъда биринчи жерге Къудайланы Заур чыкъгъанды, Гюлюйланы Илияс а 65 килограмм ауурлукъда экинчи болгъанды. Доммакъ майдалланы Шауаланы Шамил (48кг.), Чеченланы Амаль (60кг.) бла Макытланы Алим (51кг.) къытхандыла. Аланы тренерле Локияланы Юрий, Балалны Алим, Хапаланы Аслан, Чеченланы Артур хазырлагъандыла.
Суратда: хорлагъан спортчуланы къаууму.
21 января, 2019 - 09:25
Эрттеден да Москвада жашап, ишлеп тургъан гитче эгешчигин кёре барады Буслиймат. Элинден Нальчикге окъуна бир-эки кере чыкъгъан тиширыу вокзалны уллулугъуна, адамланы кёплюклерине сейир этип къарайды. Метрогъа тюшгенинде уа абызырагъан окъуна этеди.
21 января, 2019 - 09:25
Республиканы полициячылары тюрлю-тюрлю бузукълукъла ючюн федерал излеуде болгъан эки адамны бир кюнню ичинде ачыкълагъандыла.
Алай бла 14 январьда Черек районну право низамны сакълаучулары тинтиулени кезиуюнде бир ненча кере башы сюдлюк болгъан 27-жыллыкъ эр кишини тутхандыла. Ол уручулукъ этгенине ишекликде излене эди.
Терекчи полициячыла уа былтыр сентябрьден бери сюд приставла излеген 28-жыллыкъ тиширыуну къайда болгъанын тохташдыргъандыла.
21 января, 2019 - 09:20
Сабийлени юйретиуде школгъа дери билим бериу учрежденияла къаллай магъананы тутханларыны юсюнден Элбрус районну Билим бериу управлениясыны баш специалисти Моллаланы Зарета бла ушакъ этгенбиз.
21 января, 2019 - 09:10
Кёп болмай Нальчикни мэриясы шахарда автобусла тохтаучу бир талай жерге ремонт этип тапландыргъанды.
- Жангыртыу ишлени кезиуюнде саулай да он остановкагъа къаралгъанды. Ала ара шахарны Ленин, Калмыков, Суворов, Тарчоков, Осетинская, Профсоюзная эм башха орамлада орналадыла.
21 января, 2019 - 09:05
Шаханланы Басият 1879 жылда 17 январьда Владикавказда туугъанды. 1896 жылда Александр патчах атлы кадет корпусну бошагъандан сора, Басият артиллерия училищеде айырмалы окъуйду. Ол окъууда жетишимлери бла тенглерини арасында биринчи болгъаны себепли, анга къуллукъ этерге сюйген жерин сайларгъа эркинлик берилгенди. Ол Ата журтуна барыргъа ыразы эди, Басиятны 1898 жылда Кавказгъа 21 артиллерия бригадагъа къуллукъ этерге иедиле.
18 января, 2019 - 08:19
КъМР-ни Парламенти жаш тёлю билим бериу эм илму организацияланы арасында «Мени законла чыгъарыучу башламчылыгъым» деген конкурсну бардырады. Тинтиулени быйыл 1 мартха дери конкурсну къурау комитетине берирге керекди.
18 января, 2019 - 08:17
Кеф водитель жолда жюрюуге къатышханлагъа бек уллу къоркъууладан бириди. Эсиргенлени хаталарындан адамла жоюлгъанлары, быллай бузукълукъ ючюн уголовный жууапха тартылыннганы, уллу тазирле да бирлени бу «жигитликден» тыймайдыла.
18 января, 2019 - 08:14
Алгъаракълада Чегем районда сюд приставла бла «Газпром межрегионгаз Нальчик» компанияны келечилери рейд бардыргъандыла. Аны чеклеринде борчлары болгъанладан жюз минг сомдан артыкъ жыйылгъанды.
Бу жол контролёрла районда газ ючюн иги кесек заманны тёлемей тургъан онюч адамны жокълагъандыла.
18 января, 2019 - 08:11
Арт заманда ДНК тинтиуле сейир шартланы ачыкъларгъа, белгили болмагъан затланы окъуна тохташдырыргъа онг бергенлерини юсюнден телевиденияда тюрлю-тюрлю бериуледе, полициячыланы юслеринден сериалла да кёргюзтюледиле.
18 января, 2019 - 08:10
Малкъар халкъ зор бла туугъан жеринден кёчюрюлгенли быйыл 75 жыл болады. Аны бла байламлы ол шургулу датагъа аталгъан материалланы басмалап башлайбыз. Бюгюн Солтанланы Оюсну, анасы Эзамны тилегин толтура, аны атындан ол кёчгюнчюлюкде сынагъан къыйынлыкъланы юслеринден жазгъаны бла сизни шагъырей этебиз.
18 января, 2019 - 08:10
КъМР-ни Жарыкъландырыу, илму эмда жаш тёлюню ишлери жаны бла министерствосуну Жаш тёлю кёп функциялы арасыны башчылыгъы бла бу кюнледе "Тарыхны, экономиканы, правону, обществознанияны дерслеринде коррупциягъа къажау кюрешни юлгюлерин хайырланыу" деген ат бла республикалы семинар бардырылгъанды. Аны ишине, устазладан сора да, КъМР-ни Башчысыны Администрациясыны, сагъынылгъан ведомствону, прокуратураны келечилери, дагъыда башхала къатышхандыла.
18 января, 2019 - 08:08
Сюйюнчлары Малкъарны бек сыйлы тукъумларындан бириди. Революция дунияны экиге бёлгюнчю, ала Бызынгыны жангыз бийлери болгъандыла. Кеслери да эллиле бла ариу жашагъандыла. Алагъа къыйынлыкъ сынатмагъандыла. Керек кюнде уа къалкъан болуп сакълагъандыла жерлешлерин.
Аланы таныгъан, кеси кёзю бла кёрген бызынгылы айтхан эди: «Сюйюнчлары сау къадарда элибиз къыйынлыкъ сынамагъанды»,-деп.
Страницы
|
