Право

РФ-ни МВД-ны Нальчикде Управлениясыны наркотиклени сатыу-алыугъа контроль этиу жаны бла къуллукъчулары 21 мартда оператив излеу ишлени кезиуюнде Профсоюзная орамда 27-жыллыкъ жашны тутхандыла. Аны биргесине болгъан сумканы тинтген кезиуде уулу веществолары бла 90 чулгъам тапхандыла.

Къабарты-Малкъарда МВД-ны Къырал автоинспекциясыны къуллукъчулары Нальчикни 9-чу эм 10-чу номерли сабий садларында жолну жорукъларын юйретгендиле.

11 апрельде КъМР-дн МВД-ны управлениясына 65-жыллыкъ нальчикчи тиширыу сёлешгенди. Ол бир сагъат артха банкомат тийресинде болгъанында, ким эсе да сумкасындан 13 550 сом ахчасы бла бохчасын урлагъанын билдиргенди. Тиширыу айтханнга кёре, банкомат бла операцияны бардырыуда таныш болмагъан бир тиширыудан болушлукъ  тилегенин билдиргенди.

23 февральда Къабарты-Малкъарда МВД-ны Урван районда бёлюмюне Нарткъаладан 46-жыллыкъ эр киши сёлешгенди. Ол интернетде бир тюкенде агъачны тышын тазалагъан станокну алырча 17 510 сом ахча ашыргъанын, андан сора уа жалгъан тюкенчи телефонну алмай тебирегенин билдиргенди.

Ведомствола аралы «Россейни сабийлери-2023» оператив-профилактика ишлени кезиуюнде КъМР-де МВД-ны «Баксан» постда полицияны тамата лейтенанты Зарета Бесланеева Куба-Табаны 1-чи орта школуну башчысыны  юйретиу жаны бла орунбасары Мадина Кажарова бла бирге школчулагъа юйретиу ишле бардыргъандыла. 

Къабарты-Малкъарны Жамауат палатасында водительлени хазырлау, алагъа транспортда жолда жюрюрге эркинлик бериуню юсюнден жыйылыу болгъанды. Анга Жарыкъландырыу эм илму министерствону билим бериуде контроль этиу жаны бла управлениясыны башчысы Елена Жарикова, КъМР-де ГИБДД-ны управлениясыны башчысыны къуллугъун болжаллы халда толтургъан полицияны полковниги Дмитрий Сухорученко, аны орунбасары полицияны майору Рамазан Лигидов, Транспорт эм жол мюлк министерствону бёлюмюню таматасы Рустам Ортабаев, автошколаланы директорлары къатышхандыла. 

МВД-ны КъМР-де Экономика къоркъуусузлукъну эм коррупциягъа къажау управлениясы оператив-излеу ишлени кезиуюнде Нальчикде букъдуруп ишлеген цех тапхандыла. Анда белгили спирти болмагъан газ сууланы шешалагъа къуюп, сатаргъа хазырлай эдиле, деп билдиргенди Россейни МВД-ны келечиси Ирина Волк.

Къабарты-Малкъарда ич ишле министрни орунбасары – следствие управленияны таматасы юстицияны полковниги Олег Попов «Жамауатны кёз къарамы» деген республикалы сурат конкурсда алчы жерле алгъанланы саугъалагъанды.  

МВД-ны Къабарты-Малкъарда экстремизмге къажау бёлюмюнде къуллукъ этгенле-излеу ишлени кезиуюнде ФСБ-ны КъМР-да  управлениясыны келечилери бла бирге алгъын  да эркинлиги сыйырылгъан 37-жыллыкъ эр кишини юйюнде сауутла бла окъла тапхандыла. 

Экономикада аманлыкълагъа къажау мадарланы толтургъан кезиуде РФ-ни ФСБ-сыны КъМР-де Управлениясыны къуллукъчулары  Бахсан районну эллеринден бирини алгъыннгы башчысыны аманлыкъ ишин тохтатхандыла. Ол къуллугъун оздуруп бла хайырланнганына ишеклик барды.