Низамлыкъ спортда, жолда да изленеди

КъМР-де Олимпиада советни башчысы жаш футболчулагъа жолда жюрюуню жорукъларын ангылатханды.  

Къырал автоинспекторла советни  таматасы, Нальчикни жер-жерли советини депутаты, белгили футболчу Александр Заруцкий бла бирге «Спартак-Нальчик» футбол клубну жаш къаууму бла жарау бардыргъандыла.

Къонакъла жаш футболчуланы спортда, жашауда да низамлы болургъа кереклисине юйретгендиле. Сёз жолда жюрюуню жорукъларын сакъларгъа кереклисини юсюнден да баргъанды, бютюнда жаяу жюрюген кезиуде.

Тюбешиуню ахырында къонакъла жаш спортчула бла жолда жюрюуню къоркъуусузлугъуну ыйыгъыны белгиси бла  суратха тюшгендиле.