Сансызлыкъды хатаны башы

КъМР-де От тюшюуге къажау къырал службада быйыл январь-сентябрь айлада тамамлагъан ишлерини эсеплерин чыгъаргъандыла. Бу кезиуде республикада 1488 от тюшюу болгъанды (былтырны бу кезиуюнде – 1304). Ол санда 380 къайгъылы болум къырал эсепге алыннганды (былтыр – 394). ГПС-ни инспекторлары 301 от тюшюуню ёчюлтгендиле.
Бу къыйынлыкълада 2 адам ёлгенди, 33-сю уа тюрлю-тюрлю жарала алгъандыла. Къаугъаладан 31,8 миллион сом къоранч тюшгенди. От ёчюлтюучюле 64 адамны жашауун къутхаргъандыла, 660 адам а къоркъуулу жерден кёчюрюлгендиле. 1,3 миллиард сом багъасы ырысхы сакъланнганды (былтыр – 867 миллион сом).
От тюшюулени асламы ачыкъ жерледе болгъандыла – 1040 кезиу, жашау журтлада  уа – 272. Дагъыда 66 машина кюйгенди. Бу къыйынлыкъланы кёбюсю адамла сакъ болмагъанлары (битеу къаугъаланы 82 проценти), электроприборланы хайырланнганда жорукъланы бузгъанлары (11 процент), иш этип, ырысхыгъа от салыннганы (3 процент), транспорт техника жаны бла бузукълукъла бла  ишлегени (2 процент) ючюн болгъандыла.

Арсен Сабанов, КъМР-де От тюшюуге къажау къырал службаны келечиси.

Свежие номера газет Заман


16.11.2017
15.11.2017
14.11.2017
13.11.2017