Жангы усталыкъгъа юйретирикдиле

Къабарты-Малкъар къырал университетде «Тарихли кафедрала» билим бериу проектге къатышханла бла тюбешиу озгъанды. Аны кезиуюнде  жаш адамла ол жаны бла окъутуу къалай бардырыллыгъыны эмда  къураллыгъыны юсюнден тынгылы хапар билгендиле.

Биринчиден, проектни башчысы, КъМКъУ-ну жалгъан  интеллект эмда тарихли технологияла институтуну директору Альберт  Шапсигов бла компьютер технологияла эмда информациялы къоркъуусузлукъ кафедраны доценти, окъуу программаланы хазырлагъан Джульетта Крымшокалова тюбешиуню архитектура, къурулуш эмда дизайн; менеджмент; туризм эмда къонакъбайлыкъны индустриясыны; педагогика, психология эмда физкультура-спорт билим бериу; право, экономика эмда финансла; физика бла математика; химия бла биология; социал-гуманитар институтланы студентлери бла къурагъандыла.

Сагъынылгъан проектге кёре жаш тёлюню окъутуу хакъсыз бардырыллыкъды. анга бёлюннген  сагъатланы бир кесегин а, преподавательле  министерствону, Ростелекомну келечилери бардырып, студентлени «Связь, информациялы эмда технологиялы коммуникацияла» бёлюмде кеслерини сынамлары бла шагъырейлендирилликдиле.

Программагъа кёре 500 жаш  адамны окъутур мурат барды. Ала университетде кеслери сайлап кирген  ызда окъууларын бошасала, анда алгъан дипломлары бла бирге «Информациялы системаланы специалисти» деген усталыкъ бла экинчи диплом  къоллу да боллукъдула.

«Тарихли кафедрала» проект КъМКъУ-да  былтыр июльдан башлап жашауда бардырылып тебирегенди. Кеси да жаш тёлюню программированияны жашырынлыкъларына тюшюндюрюр эмда юйретир муратда  къуралгъанды.