Биринчи жерни алгъан студентге – ишчи жер

Федерал казначействону республикада управлениясында Ачыкъ эшиклени кюнюню чегинде ведомствону башчысыны орунбасары Александр Михайлик бла аудит иш жаны бла управлениясыны таматасы Людмила Муромцева Къабарты-Малкъар къырал университетни преподавательлери эм студентлери бла тюбешгендиле. Анда эм иги студент ишни конкурсуну эсеплери да чыгъарылгъандыла, хорлагъанла саугъаланнгандыла.

Эришиуге жиберилген ишле жаш адамланы билимлерин, аланы цифровизация жаны бла усталыкъларын ачыкълагъандыла, жюри барысына да бийик багъа бичгенди. Регионда управленияны башчысыны оноуу бла уа биринчи жерге чыкъгъан организацияны кадрла резервине да къошулгъанды.

Граждан къуллукъчуланы тин-ниет эм жамауат политика жаны бла жарыкъландырыугъа салгъан къыйынлары ючюн майдаллагъа республиканы Правительствосуну башчысыны биринчи орунбасары Муаед Кунижев, спорт министр Хасанланы Ислам, эл мюлк министр Хасан Сижажев тийишли болгъандыла. Ведомстволу саугъала бла управленияны кёп жылланы жетишимли уруннган ишчилери да белгиленнгендиле, деп билдиредиле республиканы Спорт министерствосундан.