Алдау бла иги кесек ахча къымгъанды

РФ-ни Баш прокуратурасы КъМР-ни инсанына ачылгъан уголовный ишни къабыл кёргенди. Ол РФ-ни УК-сыны 159-чу статьясыны 3-чю эм 4-чю кесеклерине бузукълукъ этгенине ишеклик барды. Ол башхаланы мюлклерин кёп санда урлагъанына (72 кезиу) ишеклик барды. Битеу да бирге 580 миллион сом къоранч этилгенди.

 Тинтиуледен белгили болгъаныча, терсленнген республикада кредит организациягъа башчылыкъ этгенди. 2009 жылда январьдан 2020 жылда апрельге дери кезиуде ол 70 инсанны бла 2 организацияны ахчаларын урлагъанды – ала банкда счёт ачханда эмда кредит ючюн  этген тёлеулени. Алай бла битеулю къоранч 580 миллион сомдан озгъанды, деп билдиргендиле бизге РФ-ни Баш прокуратурасыны Шимал-Кавказ федерал округда управленясыны пресс-службасындан.

Уголовный иш сюдню къараууна берилгенди.

Тикаланы Фатима хазырлагъанды.
Поделиться: