Тамата тёлюге кёз-къулакъ болуу

Къабарты-Малкъарда  «Демография» миллет проектни чеклеринде  «Тамата тёлю» деген  республикалы проект  бардырылады. Аны бла байламлы  социал учреждениялада  тургъан  уллайгъан адамлагъа пневмококкдан прививка этиледи, деп билдириледи КъМР-ни Саулукъ сакълау министерствосуну пресс-службасындан.

Проектге кёре, реабилитация аралада бла интернатлада  тургъан, пенсиягъа чыкъгъандан сора  ишлемеген эмда «къоркъуулу» категориягъа кирген   255 уллайгъаннга сагъынылгъан  жукъгъан ауруудан прививка этилликди.  Жыл башланнганлы   93 адамгъа дарман салыннганды.

Курданланы Сулейман.
Поделиться: