Усталыкъ сайларгъа сюе эсегиз

Школну неда вузну тауусханланы кёплери къайсы усталыкъны сайларгъа билмейме, деп сагъышха къаладыла. Насыпха, бюгюнлюкде алагъа себеплик этген кёп амал барды. Федерал эмда миллет проектлени (аладан бири – «Билим бериу») хайырындан жаш адамла кеси усталыкъларында сынамлы ишчиле бла танышыргъа, бирде уа сюйген ишлерин да табаргъа боллукъдула. Алагъа деп талай проект бардырылады.

Келир заманнга билет

bvbinfo.ru

Бу платформада психологла эмда кёп тюрлю бёлюмледен специалистле инсаннга жюреги сюйген ишни табаргъа болушурукъдула.

Сайтха кирген сабийле усталыкъланы битеу болгъан тюрлюлери бла шагъырейленирге, аны сайлау жаны бла тестни ётерге, кеслерин да сынап кёрюрге боллукъдула. Анда ата-аналагъа, педагоглагъа да бардыла магъаналы билдириуле.

Профиград

https://profigrad.bvbinfo.ru/

Бу порталны школчулагъа деп къурагъандыла. Ол шахарча алай жарашдырылгъанды: ичинде он район барды. Хар бири да бирер бёлюм бла байламлыды: Саулукъну районунда – медикле эмда алимле кюрешедиле, Ишчиленикинде – къырал къуллукъчула, финансистле эм андан ары да алай.

Сабийле ыйыкъ сайын берилген жумушланы тамамлайдыла, тестлени ётедиле, викториналагъа къатышадыла. Ала бары да ол неда бу усталыкъны юсюнден толуракъ билирге болушадыла. Бир ыйыкъ къоркъуусузлукъгъа, башхасы экологиягъа неда чыгъармачылыкъгъа, промышленностьха жораланады.

Платформада дагъыда кинотеатр барды. Анда кинологланы, экологланы, башха усталыкъланы келечилерини юсюнден фильмлеге къараргъа боллукъду.

Профессионалитет

япроф.рф

Бу билим бериу программа колледжлени эмда техникумланы окъуучуларына деп жарашдырылгъанды. Ол 68 регионда бардырылады. Аны чеклеринде 24 бёлюмде усталыкълагъа юйретедиле. Анга мингнге жууукъ компания къатышады. Ала окъуучуланы кеслерине ишге аладыла.

Иш табаргъа

времякарьеры.рф

Анда сынамлары болмагъан, кеслери да энди урунуп башлагъан специалистлеге эмда студентлеге вакансияла эм стажировкала бардыла.