Даражалы эришиуден – тёрт майдал

СССР-да къыралны дзюдодан жыйымдыкъ командасыны биринчи тренери Владлен Андреевни хурметине аталып  Москвада эр кишилени эм тиширыуланы араларында «FONBET» деген  битеуроссей эришиу бардырылгъанды. Анга 23 региондан 400-ге жууукъ спортчу къатышхандыла.

Эсеплеге кёре Къабарты-Малкъарны келечилери тёрт майдал алгъандыла. 90 килограмм ауурлукъда битеу тюбешиулерин хорлам бла Астемир Пшеноков бошагъанды, «кюмюшге» Байсыланы Таулан (81кг.) тийишли болгъанды. Доммакъ майдалла бла Кантемир Кодзов (66 кг.) бла Уяналаны Ислам (81кг.) къайтхандыла. Аланы тренерле Дмитрий Иванов, Анзор Апхудов бла Олег Махов юйретедиле.