Байламлыкъланы эсеби – къоркъуусузлукъ жалчытыуда жангы билим

МЧС-ни регионда Баш управлениясында саугъалау болгъанды. Аны кезиуюнде Сюд приставланы федерал службаларыны Къабарты-Малкъарда управлениясыны (УФССП) директоруну ыразылыкъ къагъыты бла байламлыкъда ишлегени эм от тюшюуге къоркъуусузлукъну жалчытыуда профилактика жумушланы къураугъа салгъан къыйыны ючюн От тюшюуге къажау-къутхарыу службаны профессионал юйретиу эм хазырлау бёлюмюню башчысыны орунбасары Наталья Коломейцева белгиленнгенди.

УФССП-ни асламлы информация органла бла байламлыкъла жюрютюу жаны бла бёлюмюню баш специалисти-эксперти Баллиланы Алина билдиргенича, ич службаны капитаны Наталья Литовка къууанчлы халда управленияны башчыларыны атындан анга, хурмет эте, саулукъ, ишинде жетишимле тежегенди. Наталья Николаевна арада байламлыкъла кючлене барырларына ышаннганын да чертгенди. 

Эсгертиу: управленияланы араларында байламлыкъла жюрютюуню чегинде от тюшюуден къоркъуусузлукъну сакълау жаны бла 100-ден аслам пристав билим алгъандыла.