Каспий чабакъла – череклерибизде

 КъМР-ни Табийгъат байлыкъла эмда экология министерствосу республиканы череклерине кеслери ёсдюрген чабакъчыкъланы жибергендиле.

КъМР-ни Правительствосуну Председатели Мусукланы Алий эмда табийгъат байлыкъла эм экология министр Шауаланы Илияс, чабакъланы сакълау жаны бла бёлюмню башчысы Башийланы Аскер да бу кюнледе Нальчикни череклерине мында ёсдюрюлген каспий лососьну жибергендиле. Ол иш череклени суу ызлары бузулгъанлары эмда алада ёсюмле жаны болгъан затла да таркъайгъанлары бла байламлы этилгенди. Алай бла черекге 38750 чабакъчыкъ жиберилгенди.

Ол ишге деп, КъМР-ни Правительствосу республиканы бюджетинден жыйырма юч миллион сом бёлгенди.

Каспий лососьчукъла Нальчик, Черек эмда Бахсан череклеге жиберилгендиле. Чабакъчыкъланы заводда онеки айгъа дери ёсдюредиле. Ала 13-20 грамм тартханлай, суугъа жибериледиле.

Холаланы Марзият.
Поделиться: