Кёп сабийли аналаны иги кесеги пенсиягъа чыкъгъандыла

 Законодательствогъа тийишлиликде, кёп сабийли аналагъа пенсиягъа болжалдан алгъа чыгъаргъа эркинлик бериледи. Къабарты-Малкъарда 2023 жылда бу онгну 480 ана хайырланнганды, аладан 29-суну беш эм андан кёп баласы барды, 86-ны – тёрт эм 366-ны - юч.

Юч сабий тапхан анала пенсиягъа 57 жылларында чыгъаргъа боллукъдула, тёрт сабийлиле – 56 жылларында, беш эм андан кёп бала туугъанла уа – 50 жылларында. Аланы къагъытларын Социал фонд  алгъадан жарашдырып башлайды. Эркинликлерини юсюнден билирге эм пенсиялары бла байламлы сорууларын ала фондну жер-жерли бёлюмюне барып берирге боллукъдула.

Эсгертиу: пенсияларын болжалдан алгъа алыр ючюн, тиширыуну аналыкъ эркинлиги неда  баланы алып ёсдюре эсе, сабийге къараргъа эркинлиги сыйырылмазгъа тийишлиди. Аны бла бирге страховой стажы 15 жылдан аз болмазгъа, энчи пенсия коэффициенти да белгиленнген ёлчемге жетерге керекдиле.