Чернобыльчылагъа – ай сайын тёлеуле

1986 жылны 26 апрелинде эм уллу техноген къыйын болум тарыхха киргенди. Бюгюнлюкде бизни республикада аны хатасын кетериуге къыйын салгъан 659 пенсиячы жашайды, алагъа Социал фонддан ай сайын тёлеуле бериледиле.

Алай бла аварияны зараны тийгенлеге эм аны хатасын кетериу ишлеге къатышханланы къауумларына была киредиле:

- катастрофаны кезиуюнде эм андан сора ишледе уруннганларындан сора радиацияны хатасы бла луч ауруу тийгенле;

- къыйын болумдан сора сакъатлай къалгъанла;

- Чернобыль АЭС-де катастрофада эм аны тийресинде къуру къалгъан жерледе 1986-1987 эм 1988-1990 жыллада ишлеген ликвидаторла.

Бир-бир болумлада алагъа эки тюрлю пособие да тёленирге боллукъду. Ол эркинлик чернобыльчилени кеслерине эм ала аварияны кетериу ишлеге къатышып келгенден сора (радиацияны хатасы тийгенден сора) туугъан сабийлерине бла туудукъларына да бериледи.

Андан тышында, фонд гражданланы бу къауумуна башха тюрлю социал болушлукъ да этеди. Аланы тизмеси бла фондну официал сайтында https://sfr.gov.ru/grazhdanam/social_support/mery_podderzhki/radiation ссылка берип шагъырейленирге боллукъду.

 

Кульчаланы Зульфия.
Поделиться: