Казбек Коков айырмалы устазланы ахча бла саугъалауну юсюнден Указгъа къол салгъанды

КъМР-ни Башчысы Казбек Коков Россейде «Жылны устазы», «Жылны юйретиучюсю», «Жылны устасы» битеуроссей эришиулени регион кезиулеринде  хорлагъанланы эмда алчы жерлеге чыкъгъанланы ахча бла  саугъалауну юсюнден Указгъа къол салгъанды, деп билдиргендиле КъМР-ни Башчысыны бла Правительствосуну пресс-службасындан.

КъМР-ни Башчысыны ахча саугъаларына тийишли болгъанла тохташдырылгъандыла. Ала быладыла:

«Россейде жылны устазы» битеуроссей конкурсну ючюнчю кесегинде хорлагъанла бла алчы жерлеге чыкъгъанла:

Сабий чыгъармачылыкъны «Кюн шахар» академиясыны лицейинде физикадан устаз Сюйдюмланы Эльдар,  Нальчикни 9-чу номерли школунда информатикадан бла информация-коммуникация технологияладан устаз Олег Кочетов эмда Кишпекни школунда тарыхдан устаз Азамат Шаов;

«Россейде жылны юйретиучюсю» битеуроссей профессионал конкурсну регион кесегинде   хорлагъанла бла алчы жерлеге чыкъгъанла:

Нальчикде 37-чи номерли сабий садны юйретиучюсю Чеченланы Рузанна, Бахсанда 6-чы номерли школну школгъа дери билим берген бёлюмюню юйретиучюсю Севиль Бесланеева, Нарткъалада 1-чи номерли сабий садны юйретиучюсю Лариса Ефимкина;

«Жылны устасы» битеуроссей конкурсну ючюнчю (регион) кесегинде хорлагъанла бла алчы жерлеге чыкъгъанла:

  «Призвание» медицина колледжни преподаватели Ляна Панжокова, Къабарты-Малкъар автомобиль-жол колледжни преподаватели Эльдар Балов, Къабарты-Малкъар сатыу-алыу-технологияла колледжни преподаватели Жанаккууланы Альбина.