Борч этип тургъанла токсуз къалгъандылаБыйылны биринчи жарымында «Россети Шимал Кавказ» компанияны республикада бёлюмюню – «Каббалкэнергону» токсуз къаллыкъланы «къара тизмесине» борч этип тургъан 58,7 минг абонент тюшгенди. Аланы барыны да берликлери 1,35 миллиард сомгъа жетген эди. Эсгертиуле этилгенден сора, 53,7 минг инсан тёлеулерин берирге ашыкъгъандыла. Аны бла компания 1,3 миллиард сом жыйгъанды. Айтылгъаннга къулакъ салмагъан 1,4 минг абонентни уа (борчлары - 13,5 миллион сом) энергетикле токларын кесип кетгендиле. Компанияда энтта да къайтарып эсгередиле: электрокюч ючюн борчну жабарча адамлагъа 30 кюн бериледи закон бла. Организациялагъа уа аны болжалы жаланда 10 кюн бла чекленеди. Заманы чыкъгъандан сора, тийишли билдириуню сансыз этгенлени токларын кеседиле. Сетьлеге жангыдан къошулурча уа аны багъасын эмда борчну да толусунлай тёлерге тюшерикди.
Поделиться:
Читать также:
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
|