Эм бийик эсепге биринчи кере тийишли болгъандыНальчикни экинчи номерли лицейин быйыл бошагъан Артур Сохроков ингилиз тилден Бир къырал экзаменде жюз баллгъа тийишли болгъанды. Былайда эсгертирге тийишлиди - сынаула ЕГЭ халда берилип келгенли да Къабарты-Малкъарда эндиге дери бу дерсден быллай бийик баллны алгъан болмагъанды. Артур Школчуланы ингилиз тилден битеуроссей дерс олимпиадаларыны регион урумунда призёр, алчы да болгъанды. Сагъынылгъан олимпиаданы шахар школланы арасында бардырылгъан кезиуюнде башха-башха жыллада хорлам болдура, призёр бола да тургъанды. Ол дагъыда КъМР-де Яндексни Академиясыны Лицейин бошагъанды. -Манга ийнаннганлагъа, мени дайым да кёллендиргенлей тургъанлагъазаманларын, билимлерин да аямагъан устазларыма; окъутуу-юйретиу процессни тынгылы даражада къурагъан школну администрациясына, жууукъ-ахлуларыма, тенглериме да ыразылыгъымы билдиреме. Андан сора да, быйыл окъуугъа кирирге талпыннганлагъа жетишимле тежейме. Маратлары толсунла,-деп, алгъыш этгенди.
Поделиться:
Читать также:
26.03.2024 - 11:52 →
Сакъат сабийле окъуусуз къалмазча
26.03.2024 - 10:13 →
Налог окъуулулукъдан дерсле
19.03.2024 - 11:49 →
Окъутханларына, ёз аналарыча, къайгъыра
19.03.2024 - 10:17 →
Сынауладан жетишимли ётедиле
12.03.2024 - 10:42 →
Предпринимательликни тасхалары бла шагъырейлендиргенди
|