Ремонт ишле андан ары бардырыладыла

Жемтала элдеги амбулатория  сексенинчи жыллада ишленип, ремонт этилмей, осал халгъа жетип тура эди. Бу кюнледе анга ремонт этиу къыстау бардырылады.  Ол ишле Черек районну администрациясыны башчысы Къулбайланы Аланны, Жемталаны башчысы Артур Доховну эмда  эллилени спонсор болушлукълары бла бардырылады.

Элли амбулатория эртте ишленип, хайырланылыргъа берилген эсе да, бир кюннге да ишин тохтатмагъанды. Амбулаторияда битеу керекли кабинетле бардыла. Бу кюннге  кёп иш тамамланылгъанды- биринчи этажында хар зат да жангыртылгъанды  дерге боллукъду. Аны жылыу баргъан быргъылары, электрокючню ызлары, поллары  да толусунлай алышындырылгъандыла. Экинчи этажында да кёп иш этилгенди. Анда кюндюзгю стационарда жыйырма ундурукъгъа жер барды.

Тапландырыу ишле бошалыргъа жетип турадыла, амбулаторияда ишлегенле  уа,  хар замандача, жумушларын бир кюннге да тохтатмай,  тынгылы бардырадыла.